fbpx

Carovska: Digjitalizimi i librave shkollorë nuk është një trend, por një nevojë reale e nxënësve

E gjithë reforma në arsim përqendrohet në nevojat e nxënësve. Ndryshimet e paralajmëruara sjellin sfida edhe për prindërit edhe për mësuesit, gjë që është e zakonshme kur bëhen reforma, tha Ministrja për arsim dhe shkencë, Milla Carovska, duke iu përgjigjur pyetjeve të gazetarëve, informojnë nga Ministria e arsimit dhe shkencës, raporton Meta, përcjell Portalb.mk.

“Nxënësit në atë moshë kanë nevojë për mjete moderne, të cilave do t’u duhen për një periudhë 20 vjeçare që të jenë në gjendje të përballen me sfidat me të cilat do të përballen më pas”, tha Carovska.

Është e pakuptimtë të ndahemi pro dhe kundër digjitalizimit kur e gjithë bota po digjitalizohet. Për më tepër, shteti dhe sistemi arsimor dëshmuan se brenda vetëm një muaj mund të transformojnë mësimin dhe ai po vazhdon në mënyrë digjitale tre tremujorë rresht, gjë që vetëm dy vjet më parë konsiderohej e pamundur.

“Kurrë nuk mund të jemi të sigurt se me çfarë sfida do të duhet të përballen vendi ynë dhe nxënësit tanë par tre, pesë, shtatë vitesh. Digjitalizimi nuk është trend, është domosdoshmëri. Jo vetëm sepse qasja në materiale është më të lehtë, por edhe sepse përmbajtja, e cila mund të vendoset në një libër shkollor digjital, është shumë më moderne, më interesante dhe më ngacmuese për të nxitur interesimin e nxënësve”, theksoi Carovska .

Nxënësve librat me përmbajtje të vjetruara dhe të papërshtatshëm, të cilët nuk mund t’ua tërheqin vëmendjen e tyre, u duken të bezdisshëm. Bota e tyre është pajisje digjitale, ata janë vazhdimisht të ekspozuar në animacione, por kjo gjë ai nuk mund të vendoset në libra të shtypur shkollor.

Nga ana tjetër, reforma nuk nënkupton heqjen e librit shkollor dhe siç theksoi Carovska, është pamje e gabuar që dikush po përpiqet të vendosë. Ministrja u bëri thirrje prindërve që të informohen dhe të ndjekin hollësisht përgjigjet e pyetjeve që Ministria e arsimit dhe shkencës, si institucion kompetent, i boton dhe të mos nënshtrohen manipulimeve të partive në rrjetet sociale.

“Deri vitin e kaluar, diskutimi kryesor midis prindërve ishte pesha e çantave të shpinës dhe në çdo takim prindëror diskutohej se si t’i shpëtonim nxënësit nga çantat e rënda të shpinës, të ngarkuara me libra shkollorë me cilësi të dobët që janë të panevojshëm. Digjitalizimi është një nga zgjidhjet për këtë. Sidoqoftë, nxënësit gjithashtu kanë mundësinë të marrin një version të shtypur, audio version, version me alfabetin e Brajit (Braille), që po vendoset për herë të parë, që të gjithë nxënësit të mund të kenë qasje. Me digjitalizimin, bashkësi etnike me numër më të vogël të popullsisë pak do të marrin libra shkollorë në gjuhën e tyre amtare. Deri dje, ata nuk kishin libra shkollorë sepse dikush nuk ishte i interesuar t’i shtypte, nuk ka qenë fitimprurës, por me digjitalizimin ata do të jenë në dispozicion në të gjitha gjuhët”, tha ministri.

Lajme të ngjashme

Leave a Reply

Your email address will not be published. Required fields are marked *

Back to top button