fbpx

RMV, punëtorët do të jenë në gjendje të raportojnë shkeljet e të drejtave të tyre përmes aplikacionit të ri celular

Punëtorët të cilëve u janë shkelur të drejtat e punës, tani e tutje do të jenë në gjendje të raportojnë të njëjtën gjë përmes aplikacionit të ri celular të paraqitur nga Lidhja e Sindikatave të Maqedonisë (LSM) dhe Inspektorati Shtetëror i Punës (ISP), shkruan Portalb.mk.

Përmes aplikacionit “LSM – Të drejtat e mia të punëtorëve” qytetarët do të jenë në gjendje që shpejt dhe lehtë, përmes celularëve të tyre, të marrin informacion të drejtpërdrejtë për të drejtat e tyre, por edhe të raportojnë rastet kur shkelen ligjet, të cilat më pas do t’i përcillen ISP. Aplikacioni ofron mundësinë për të raportuar në mënyrë anonime një shkelje të të drejtave të punësimit ose shëndetit dhe sigurisë në punë, për veten tuaj ose një person tjetër, komunikim të drejtpërdrejtë me përfaqësuesit e LSM, si dhe përcjellje të lajmeve dhe këshillave nga Lidhja e Sindikatave të Maqedonisë., transmeton Meta.mk, përcjell Portalb.mk.

Aplikacioni celular u krijua me mbështetjen e Organizatës Ndërkombëtare të Punës dhe Bashkimit Evropian, përmes projektit “Forcimi i Dialogut Social”. Koordinatori Kombëtar i ONP-së në vend, Emil Krstanovski, tha se ai pret që bashkëpunimi midis ISP dhe LSM dhe përdorimi i aplikacionit si një kanal i ri për raportimin e shkeljeve të të drejtave të punëtorëve të kontribuojë në rritjen e besimit të punëtorëve dhe respektimin e të drejtave të tyre .

Ky aplikacioni tani më është i disponueshëm për t’u shkarkuar në pajisjet mobile me sisteme operative Android dhe iOS.

Lajme të ngjashme

Leave a Reply

Your email address will not be published. Required fields are marked *

Back to top button