Tiranë, ekspozitë nga piktorja tetovare Shukrie Neziri
Piktorja nga Tetova, Shukrie Neziri do të prezantojë para Tiranasve pikturat e saj mbresëlënëse.
Ekspozita personale e saj është caktuar të premten, me datë 22 mars, në vendin e arteve “Ekspres”.
35 piktura presin shijimin e audiencës shqiptare.
Neziri ka kryer Fakultetin e pikturës në Universitetin e Tetovës, në klasën e profesorit Luan Zenku.
Ekspozitën e parë personale e ka pasur në Tetovë në vitin 2005 ndërsa ka marrë pjesë në shumë ekspozita kolektive në vend.
Kjo është ekspozita e saj e parë jashtë Maqedonisë. Njohësit e artit e kane vlerësuar si një talent të rrallë. /Portalb