Dymbëdhjetë klubet që formuan Superligën Evropiane kanë rreth 3 miliardë euro borxhe

Dymbëdhjetë klubet e futbollit që kanë bashkuar forcat për të formuar një Superligë Evropiane të re të diskutueshme kanë plot 2.3 miliardë funte apo 2.9 miliardë euro borxh, tregojnë shifrat zyrtare, shkruan Telegrafi.

“Klubet e mëdha” evropiane shokuan botën e futbollit të dielën mbrëma kur zyrtarizuan vendimin për formimin e një Superligë Evropiane.

12 klube të cilat përfshinin Real Madridin, Barcelonën, Atletico Madridin, Chelsean, Liverpoolin, Manchester Cityn, Manchester Unitedin, Arsenalin, Tottenhamin, Juventusin, Interin dhe Milanin vendosën në themelimin e Superligës Evropiane.

Përveç këtyre 12 klubeve u tha se do të bashkohen edhe tetë klube tjera evropiane, ku do të formohej një sistem me dy grupe nga dhjetë klubeve.

Megjithatë, kjo Superligë Evropiane nuk u prit aspak mirë nga UEFA, FIFA dhe tifozët në mbarë botën, duke i ‘detyruar’ klubet të tërhiqen një nga një nga jetësimi i kësaj gare.

Tani, mediat evropiane kanë publikuar raporte financiare të 12 klubeve, të cilat shihej që shumica nga to kanë borxhe të mëdha, të cilat në total shkojnë rreth 3 miliardë euro.

Klubet, të cilat përfshijnë Cityn, Liverpoolin dhe Real Madridin, u janë përkeqësuar shqetësimet financiare gjatë vitit të kaluar – pasi fitimet e ndeshjeve dhe shitjet e biletave u tërhoqën për shkak të Covid-19.

Por, mediumi anglez BBC ka zbuluar se cili është klubi me më së shumti borxhe dhe klubi i vetëm që operon në plus nga ana financiare.

Tottenhami është klubi me më së shumti borxhe, plot 685.5 milionë euro, i pasuar nga Unitedi me 524.4 milionë euro dhe Juventusi me 390 milionë euro.

Pas tyre vijnë Interi, Barcelona, Reali, Atletico dhe Milani, ndërsa në vendet e fundit me borxhe nën 100 milionë euro janë Arsenali dhe City.

Chelsea është klubi i vetëm që operon pa borxhe apo më saktë me 19.3 milionë euro plus, ndërsa Liverpooli nuk ka të deklaruara pasqyrat financiare

Lajme të ngjashme

Leave a Reply

Your email address will not be published. Required fields are marked *

Back to top button