RMV, për dy javë në “Boris Trajkovski” janë vaksinuar mbi 18 mijë qytetarë kundër Kovid-19

Në Maqedoninë e Veriut prej 5 prillit ka filluar vaksinimi masiv i qytetarëve, ndërsa brenda dy javëve janë vaksinuar mbi 18 mijë qytetarë, transmeton Portalb.mk.

“Prej 5 prillit të vitit 2021 filloi vaksinimi masiv në pikat e vaksinimit në sallën “Boris Trajkovski”, ku janë vaksinuar gjithsej 18 376 persona”, njoftojnë nga Ministria e Shëndetësisë.

Ministri Venko Filipçe fillimisht kishte njoftuar që procesi i vaksinimit në “Boris Trajkovski” fillimisht do të realizohet me një dinamikë të tillë që do të mundësojë vaksinimin e 3 mijë qytetarëve brenda ditës.

“Deri më 18 prill janë vaksinuar 7 020 punonjës shëndetësor me dozën e parë, ndërsa 6 750 me dozën e dytë të vaksinës kundër Kovid-19”, njoftojnë nga ministria, duke sqaruar që vaksinimi po realizohet përmes dy vaksinave, Pfizer/Biontech dhe Sputnik V.

Raportohet që vaksinimi i të moshuarve që ka filluar prej 31 marsit, është zhvilluar me atë dinamikë që deri më 18 prill janë vaksinuar 13 575 persona.

Ndryshe, ministria njoftoi që instituti serb “Torlak” ka kapacitet që të prodhojë një milion doza të vaksinës kundër virusit Kovid-19.

Lajme të ngjashme

Leave a Reply

Your email address will not be published. Required fields are marked *

Back to top button