RMV, 10.530 vaksinat e “Fajzer”-it nga e mërkura do të përdoren në pikat e vaksinimit në vend
Ministria e Shëndetësisë informoi se pasdite ka arritur dërgesa e parë nga vaksina “Fajzer”, që është siguruar me negociata të drejtpërdrejta me këtë prodhues të vaksinës kundër Kovid-19, njofton Portalb.
“Bëhet fjalë për 10.530 doza të vaksinës ‘Fajzer’, të cilat nga e mërkura do të shpërndahen nëpër pikat e vaksinimit në shtet, ku zhvillohet vaksinimi në pajtim me Strategjinë kombëtare për imunizim nga Kovid-19”, informojnë nga Ministria e Shëndetësisë.
Paraprakisht, u paralajmërua se dërgesa e dytë nga “Fajzer”-i me edhe 10 mijë vaksina duhet të arrijë më 26 prill, me çka shteti ynë duhet të marrë gjithsej rreth 20.000 vaksina të këtij prodhuesi.
Ndryshe, në 24 orët e fundit në vendin tonë janë regjistruar 135 raste të reja pozitive me Kovid-19, 35 kanë ndërruar jetë si pasojë e virusit kurse 900 janë regjistruar si të shëruar.
- LEXO: RMV, sot priten vaksinat ‘Pfizer’ dhe rekomandim i ri për orë policore
- LEXO: RMV, nesër arrijnë 10 mijë doza të vaksinës “Pfizer”, ndërsa vijon procesi i vaksinimit
- LEXO: Mosbesim ndaj vaksinave si pasojë e lajmeve të rreme
- LEXO: IHPSH: Pjesa më e madhe e qytetarëve dëshirojnë të vaksinohen me “Pfizer” dhe “Sputnik V”
- LEXO: Filipçe: Deri më tani janë vaksinuar 35 mijë qytetarë, të hënën vijnë vaksinat Pfizer
- LEXO: BioNTech/Pfizer: Vaksina, 100% efektive te moshat 12-15 vjeç