fbpx

Çekuilibër tronditës në shpërndarjen e vaksinave, alarmojnë nga OBSH-ja

Organizata Botërore e Shëndetësisë sërish ka kundërshtuar hendekun e krijuar në furnizimin me vaksina kundër COVID-19, mes vendeve të pasura dhe atyre të varfra transmeton REL. Programi COVAX i cili synon të sigurojë që vendet e varfëra të kenë qasje në furnizim, kishte planifikuar të shpërndante 100 milionë dozat e para në të gjithë botën deri në fund të marsit.

“Vazhdojmë të kemi një çekuilibër tronditës në shpërndarjen globale të vaksinave”, tha shefi i OBSH-së, Tedros Adhanom Ghebreyesus një konference shtypi. Ai tha se nga 220 vende dhe territore, 194 kishin filluar vaksinimin.

Por, vetëm 38 milionë janë shpërndarë deri më tani, në 105 territore.

“Shumica e vendeve nuk kanë vaksinave të mjaftueshme për të imunizuar të gjithë punonjësit shëndetësorë, ose të gjitha grupet në rrezik”, tha shefi i OBSH-së.

Rreth 49 për qind e dozave të vaksinave janë injektuar në vendet me të ardhura të larta që përbëjnë 16 për qind të popullsisë globale, raporton AFP.

“Ne shpresojmë të zëmë hapin gjatë prillit dhe majit”, tha Ghebreyesus.

Lajme të ngjashme

Leave a Reply

Your email address will not be published. Required fields are marked *

Back to top button