U regjistrua tërmet prej 3.2 shkallëve në Maqedoninë e Veriut
Në Maqedoninë e Veriut është regjistruar tërmet me shkallë të Rihterit prej 3.2 gjatë mesdites së sotme, transmeton Portalb.mk.
Observatori seizmologjik në RMV raportoi që tërmeti është regjistruar në 15:05 minuta, me epiqendrën në rajonin Tetovë-Gostivar, 65 kilometra në jug-perëndim të Shkupit.
Raportohet që tërmeti është ndjerë në vendbanimet e Mavrovës, Gostivarit, Tetovës, Dibrës, Ohrit dhe Kërçovës, me një shkallë III, sipas shkallës makroseizmike evropiane.