RMV, Nuk u arrit marrëveshje për mbajtje të seancë së Kuvendit për votim të Propozim-ligjit për regjistrim të popullsisë

Kryetari i Kuvendit Talat Xhaferi përmes kumtesës informoi se edhe krahas këmbënguljes së tij gjatë gjithë ditës për harmonizimin e qëndrimeve të të gjithë faktorëve politik në drejtim të arritjes së marrëveshjes dhe mbajtjes së të dyja seancave në të cilat do të votoheshin Propozim-ligji për regjistrimin e popullsisë, ekonomive familjare dhe banesave në vitin 2021 dhe Propozim-vendimipër vazhdimin e afatit të vazhdimit të gjendjes së krizës, afati i të cilit skadon sonte në ora 24:00, nuk është arritur marrëveshje, njofton Portalb.

“Të gjithë përfaqësuesit e grupeve parlamentare dhe përfaqësuesit e partive politike të përfaqësuara në Kuvendin e Republikës së Veriut , shprehën gatishmëri për mbajtjen e seancave, përveç Aleancës për Shqiptarët dhe Alternativës. Për rrjedhën e mëtejshme do ju informojmë gjatë ditës së nesërme”, thuhet në njoftimin me shkrim të Xhaferit.

Marrëveshja politike ndërmjet dy liderëve, Zoran Zaev dhe Hristijan Mickoski, për shtyrjen e regjistrimin për në shtator, nuk është zyrtarizuar sot në Kuvendin e Maqedonisë së Veriut.

Në bazë të ligjit në fuqi, regjistrimi i popullsisë në Maqedoninë e Veriut duhet të fillojë nesër, më 1 prill dhe të zgjatë deri më 21 prill, pasi MIA raportoi që Kuvendi ka vendosur që sot mos të mbahet seanca e kuvendit, ku duhet të bëhet vendosët që regjistrimi të fillojë prej muajit shtator. Nuk konfirmohet asgjë në lidhje me mundësinë për mbajtjen e kësaj mbledhjeje për nesër.

Raportohet që grupi parlamentar i opozitës shqiptare ishte kundër mbajtjen së kësaj mbledhjeje.

Ndryshe, kryetari i Kuvendit, Talat Xhaferi në konferencën e sotme për media, nuk precizoi nëse sot do të përfundojnë ndryshimet në ligjin për regjistrim për të cilat arritën marrëveshje pushteti dhe opozita. Me ndryshimet regjistrimi edhe zyrtarisht duhet të prolongohet për në shtator.

“Rregullorja cakton afati dhe procedura ligjore për shkak të së cilave nuk mund të precizohet tajmingu për miratimin e tyre në Kuvend. Tani për tani është e pasigurt as fillimi i seancës në të cilën do të miratohet nevoja e ndryshimeve të ligjit për regjistrim. Sepse, thash edhe në fillim, çdo vendim çfarë do qoftë, dhe kam thënë se është vendim i gabuar në atë mënyrë të negociatave, duhet të ndiqet me procedurat e Kuvendit. Nuk mund të punojmë sipas marrëveshjeve partiake”, tha Xhaferi.

Ndryshimet e ligjit dje u miratuan në seancë qeveritare dhe nga Qeveria deklaruan se nuk presin pengesa në miratimin e ndryshimeve në Kuvend.

Kryeministri, Zoran Zaev dhe lideri i opozitës maqedonase, Hristijan Mickoski të hënën u dakorduan  rreth të gjithave temave të takimit tet-a-tet, ku nuk ishin pjesëmarrëse partitë shqiptare. Përkatësisht, ata arritën marrëveshje për prolongim të regjistrimit të popullsisë, rreth imunizimit të popullatës, zhbllokimit të Kuvendit dhe ndryshimeve në Kodin Zgjedhor, të cilat duhet të miratohen në Kuvend. Zaev tha se partnerët shqiptar të koalicionit i ka konsultuar përmes telefonit, ndërsa Mickoski u shpreh se në këtë moment nevojitet kualitet dhe jo kuantitet.

Me 62 vota për, asnjë kundër dhe asnjë të përmbajtur Kuvendi votoi në janar ligjin për regjistrimin e popullsisë dhe amvisërive në Republikën e Maqedonisë së Veriut.

• LEXO: Sonte nuk do të ketë seancë në Kuvendin e Maqedonisë së Veriut për shtyrjen e regjistrimit, nuk dihet asgjë për nesër
• LEXO: Xhaferi për ligjin për regjistrim: Nuk mundemi të punojmë sipas marrëveshjeve partiake
• LEXO: Takimi i Zaevit me grupin parlamentar të opozitës ishte konstruktiv por pa marrëveshje për nënshtetësinë
• LEXO: Zaev dhe Mickoski në takim tet-a-tet u dakorduan për çështjen e regjistrimit, Kodit Zgjedhor dhe zhbllokimin e Kuvendit
• LEXO: RMV, vendimet e sotme të Qeverisë për regjistrimin, tri autostradat e reja, financimin e kompanive dhe çështje tjera
• LEXO: RMV, Kuvendi votoi ligjin për regjistrim