fbpx

Klaudio Findiku: Vitin e kaluar kam fituar 27 çmime dhe vlerësime letrare

Klaudio Findiku është 26-vjeçari i cili jeton, mëson dhe punon në Itali. Që në një moshë të vogël ka shfaqur dëshirë për të qenë pjesë e botës së artit. Klaudio ka lindur në Durrës dhe fëmijërinë e tij e ka kaluar atje. Kur kishte vetëm nëntë vjet filloi kursin për piano dhe më pas kursin për fizarmonikë. Pas disa viteve, ai bashkë me familjen e tij vendosën të jetojnë në Itali. Klaudio edhe atje vazhdoi me shumë aktivitete të ndryshme artistike, shkruan Portalb.

“Që kur mbërritëm, u angazhova në jetën shoqërore, fillimisht si nxënës me mesim plotësues në Shkollën Shqipe të Arcos, e më pas në këshillin drejtues në shoqatën humanitare Rinia te Riva del Gardes, ku kam qenë zëvëndës president për dy vjet. Aty merresha me organizimin e eventeve. Më 28 nëntor të viti 2015, bashkë me një grup të rinjsh, themeluam organizatën  Shqipet Onlus.” tha Klaudio.

Në Itali Klaudio merret edhe me organizime koncertesh dhe prezantime. Ndësa, sa i përket jetës shoqërore, ai është shumë i lidhur edhe me institucionet publike të vendit.

Klaudio njihet për shkrimet e tij letrare. Deri më tani ai ka publikuar katër libra në shqip dhe është në proces të publikimit të librit të parë në italisht, të titulluar IL PANE (BUKA). Vepra e fundit e tij zhvillon një tezë shkencore mbi bukën dhe ka një larmi recetash.

“Në vitet e fundit kam fituar plot çmime kombëtare dhe ndërkombëtare në fushën e poezisë. Vitin e kaluar kam fituar 27 çmime dhe vlerësime të tilla. E gjitha kjo ndodhi rastësisht në periudhë pandemie, kur aplikova në shumë gara me veprat e mia dhe realisht nuk prita që do shpërblehesha me kaq shumë çmime. Krahes kësaj, shtypi italian ka shkruar plot 43 artikuj të ndryshëm për mua dhe veprimtarinë time në Rajonin e Trentinos.” u shpreh Findiku.

Mesazhi që Klaudio përcolli për të gjithë të rinjtë është:

“Të gjithë jemi pelegrin në këtë botë. E rëndësishme si pelegrin është të lëm një shenjë për të treguar që ne kemi vizituar këto vende në këtë botë, para se të shkojmë në botën tjetër. Kjo periudhë e vështirë e pandemisë është një nga ata sinjalet të cilat na bën të reflektojmë më shumë!” përmbylli Klaudio Findiku.

Lajme të ngjashme

Leave a Reply

Your email address will not be published. Required fields are marked *

Back to top button