RMV, Ministria e Ekologjisë: Mali Sharr vëhet nën mbrojtje të përkohshme deri në miratimin e ligjit

Ministri i Mjedisit Jetësor dhe Planifikimit Hapësinor Naser Nuredini, në përputhje me ligjin për mbrojtjen e natyrës, miratoi një vendim për mbrojtjen e përkohshme të pjesës së Malit Sharr  për të cilën procedura për shpalljen për  zonë të mbrojtur në kategorinë II – park kombëtar është në zhvillim e sipër, transmeton Portalb.mk.

“Mbrojtja e përkohshme e zonës së cilës i referohet Vendimi zbatohet deri në ditën e hyrjes në fuqi të Ligjit i cili do të shpallë një pjesë të Malit Sharr,  park kombëtar. Si kujtesë, Projektligji është aprovuar nga Qeveria e Republikës së Maqedonisë së Veriut  dhe procedura parlamentare për miratimin e tij pritet të fillojë së shpejti”, thuhet në kumtesën e Ministrisë së Ekologjisë.

Prej atje më tej kanë shtuar se, me miratimin e këtij ligji, vendi ynë do të ketë parkun e parë kombëtar që nga shpallja e pavarësisë, që do të thotë se sipërfaqja totale e zonave të mbrojtura në nivelin kombëtar do të jetë 13.2% e territorit të përgjithshëm.

• LEXO: Shoqatat ekologjike për projektligjin e Malit Sharr: Nëse i injorojmë hidrocentralet e vegjël, ata nuk do të zhduken
• LEXO: Nuredini: Nëse Parlamenti e miraton propozimin për Malin Sharr, RMV do të ketë Parkun e parë Kombëtar që nga pavarësia
• LEXO: Qeveria e miratoi projekt-ligjin, edhe një hap për shpalljen e një pjese të Malit Sharr park kombëtar
• LEXO: RMV, këta janë ndryshimet ligjore të propozuara për shpalljen e Malit Sharr për park kombëtar
• LEXO: RMV, janë vendosur vërejtjet publike në propozimin përfundimtar për shpalljen e një pjese të Malit Sharr-park kombëtar