RMV, 16 vjeçari u ftua në polici pasi në Tik-Tok publikoi videon me flamurin e shtetit, e cila u vlerësua si përdhosje

Djali 16 vjeçar nga Tetova u ftua në Sektorin për punë të brendshme, e cila vlerësoi që djaloshi ka publikuar video në rrjetet sociale duke e përdhosur flamurin e shtetit të Maqedonisë së Veriut, transmeton Portalb.mk.

“SPB Tetovë në tërësi e zbardhi rastin me përdhosjen e flamurit shtetëror të Republikës së Maqedonisë së Veriut nga ana e një djaloshi, i cili ka incizuar edhe video dhe pastaj e ka shpallur në rrjetin social Tik-Tok”, njoftojnë nga Ministria e punëve të brendshme (MPB).

Policia paralajmëroi kallëzim penal në bazë të nenit 319 dhe 394 nga Kodi Penal, pas intervistës së realizuar në prani të prindit të tij.