fbpx

Video materiali i publikuar nga një festë në kafene në Debar Maallo, nuk është realizuar më 8 mars

Pronari i kafenesë në Debar Maallo, i shfaqur në video, pohon se videoja është e vjetër. Inspektorja Aleksandra Koteli, e cila së bashki me shtatë inspektorë të tjerë ka qenë në terren në Debar Maallo, gjithashtu pohon se situata e treguar në video nuk ka ndodhur më 8 mars në kafenenë e përmendur. Duke pasur parasysh këto deklarata, ne e konsiderojmë të pavërtetë informacionin e postuar në portal dhe në rrjetin social Facebook, shkruan Crithink.

Po recensojmë tekstin me postim në Facebook, në të cilin pretendohet se në një lokal në Debar Maallo, gra duke vallëzuar në tavolina sfidonin virusin, ndërsa baret ishin të stërmbushura dhe muzika gjëmonte me zë të lartë, më 8 mars.

Në publikim thuhet:

VATRA DEBAR MAALLO

Gra që vallëzojnë në tavolina sfiduan virusin: Kafenetë për 8 mars ishin plot, muzika gjëmonte sa më shumë që ishte e mundur (VIDEO)

Lidhur me postimin është shënuar edhe një artikull me të njëjtin titull.

Teksti përmban material video nga një lokal me muzikë, njerëz që vallëzojnë, të cilët festojnë diçka. Teksti u botua në 9 mars 2021, një ditë pas Ditës Ndërkombëtare të Gruas, që lë të kuptohet se kremtimi u zhvillua pikërisht atëherë, gjë që në të njëjtën kohë do të shkelte masat dhe rekomandimet për mbrojtje kundër koronavirusit.

Megjithatë, titulli nuk mbështet atë që thuhet në tekst. Titulli pretendon se kjo festë daton në 8 mars, por kjo nuk konfirmohet në vetë tekstin.

Video materiali u shfaq në rrjetet sociale dhe sipas asaj që ishte shkruar në komentet e qytetarëve, festa thotë se ishte dje për 8 mars në një lokal në Debar Maallo në Shkupthuhet në tekst.

Në rrjetet sociale mund të gjenden të gjitha llojet e komenteve, por detyra e gazetarit është t’i kontrollojë ato dhe të informojë publikun saktë.

Vetëm disa rreshta më poshtë në tekst përcillet një deklaratë krejtësisht e kundërt me atë në titull dhe në hyrje të tekstit.

Nga videoja në rrjetet sociale është e qartë se kjo është një festë gjatë një pandemisë sepse disa nga stafi mbajnë maska, por vendndodhja e saktë, koha dhe dita nuk dihen.

Pronari i kafenesë, Zlatko Vasovski, reagoi pas publikimit të videos nga lokali në Debar Maallo, e cila u theksua në rrjetet sociale si vendi ku pretendohet të festohej 8 marsi pa respektuar masat e mbrojtjes kundër Covid-19. Në një bisedë telefonike për MKD.mk, ai thotë se ky është një regjistrim i vjetër dhe se ekziston inspektim i vazhdueshëm në lidhje me respektimin e masave në këto bare.

Incizimi është në lokalin tim, por është i vjetër dhe jo nga dje. Nuk mund ta mbaj mend saktësisht se kur është, mbase para Vitit të Ri ose më herët. Ne jemi duke jetuar në pandemi për një vit dhe kështu po punojmë. Nga lokali im 40 familje marrin pagë dhe unë kurrë nuk do të lejoja që inspektoriati të mbyllte vendin tim për shkak të një feste në kundërshtim me rekomandimet e dhëna nga Qeveria”, tha Vasovski për MKD.mk.

Aleksandara Koteli, inspektore në Inspektoratin Shtetëror të Tregut, pohon për të njëjtën media se mbrëmjen e 8 marsit, në zonën e Debar Maallo, ku ndodhen një numër kafenesh, është kryer kontroll nga ora 17:00 deri në orën 22:30 dhe pamje si ato të paraqitura në video material, nuk janë parë.

Dje, unë personalisht së bashku me 7 inspektorë të tjerë ishim në terren në Debar Maallo nga ora 17:00 deri në 22:30. Në komentet e videos shkruhet se bëhet fjalë për kafenenë Debar Maallo në të njëjtin vend. Ai lokal për të cilin thuhet se bëhet fjalë, është ndër të rregulltit që janë kontrolluar disa herë dhe ju siguroj se nuk kemi parë pamje të tilla si në video, tha në një bisedë telefonike për MKD.mk, inspektorja Alexandra Koteli.

Më poshtë në deklaratën Koteli edhe një herë përmend se incizimi nuk është bërë më 8 mars në lokalin e përmendur në Debar Maallo.

Ju siguroj që nëse do të kishim hasur në një situatë të tillë aty për aty, menjëherë pa menduar do të kishim mbyllur kafenë, cilado qoftë. Por, distancohemi nga videoja që po publikohet dhe unë them se situata nuk ndodhi dje në lokalin i cili është shkruar më poshtë në një koment, sepse unë personalisht isha në vend në këtë zonë, thotë inspektorja Koteli.

Të njëjtat fjalë që inspektorja Koteli i tha për MKD.mk, i konfirmoi edhe për Vërtetmatësin. Në atë thirrje, ajo konfirmoi se videoja ka të bëjë me kafenenë e pronarit Zlatko Vasovski, që do të thotë se regjistrimi është me të vërtetë nga kafeneja e tij, por nuk është nga ky vit, por prej viteve të kaluara.

Duke pasur parasysh pretendimin e pronarit të kafenesë se videoja është e vjetër, si dhe deklaratën e inspektores Koteli në të cilën ajo pretendon se situata e treguar në video nuk ka ndodhur më 8 mars në kafene, informacioni i postuar në portal dhe rrjetin social Facebook, është i pavërtetë.

Vetë titullin e vlerësojmë si “click-bate”, pra një teknikë me të cilën bëhet përpjekje për të mbledhur sa më shumë klikime nga qytetarët, të cilët më pas do të përballen me faktin se përmbajtja e titullit në tekst nuk është e konfirmuar.

Lajme të ngjashme

Leave a Reply

Your email address will not be published. Required fields are marked *

Back to top button