fbpx

Lionel Messi, rekord tjetër në sfidën ndaj Huescas

Barazimi i rekordit të Xavit, nuk ishte rekordi i vetëm që preku Lionel Messi të hënën mbrëma ndaj Huescas, shkruan Telegrafi.

Superylli argjentinas regjistroi paraqitjen e 767-të me fanellën e Barcelonës duke barazuar kështu numrin e paraqitjeve me legjendën spanjolle.

Nuk ka dyshim që Messi do të vë rekord të ri të paraqitjeve deri në fund të këtij sezoni dhe do ta rritë akoma më shumë nëse vendos të qëndrojë.

Në anën tjetër, ai shënoi dy nga katër golat e katalunasve në triumfin prej 4-1 ndaj Huescas.

Me golin e tij të parë, 33-vjeçari e ngriti në 20 numrin e golave të shënuar këtë sezon në La Liga (pastaj shënoi edhe golin e 21-të) dhe në këtë mënyrë vuri rekord të ri.

Messi është bërë futbollisti i vetëm që shënon 20 gola në 13 sezone radhazi në kampionatin spanjoll.

Tashmë, ai numëron 660 gola me fanellën e Barcelonës, 428 më shumë se i dyti në librat e historisë së klubit, Cesar Rodriguez.

Lajme të ngjashme

Leave a Reply

Your email address will not be published. Required fields are marked *

Back to top button