fbpx

6 personave u kanoset burg prej 3 muaj deri në 5 vjet: Akuzohen për “dhunë” në protestën për “Monstrën”

Shkoi në 6 numri i personave që akuzohen për “dhunë” gjatë protestës për “Monstrën” në Shkup më 26 shkurt. Sipas akuzave të Prokurorisë, të njëjtit rrezikojnë të dënohen prej 3 muaj deri në 5 vjet burg, shkruan Portalb.mk.

Prokuroria Themelore Publike e Shkupit deri te Gjykata Penale ka dorëzuar propozim për shqiptimin e paraburgimit edhe për një person i cili ka marrë pjesë në protestën e 26 shkurtit për rastin “Monstra”, e i cili sipas Prokurorisë e ka gjuajtur policinë me gurë dhe gjësende të forta. Për të njëjtin është ngritur procedurë për veprën penale – Pjesëmarrje në turmë e cila do të kryejë vepër penale.

“I dyshuari në moshë 21-vjeçare, më 26 shkurt ka marrë pjesë në tubimin publik të qytetarëve në Shkup – protestë për aktgjykimin në lëndën “Monstra”. Pastaj ai ka qenë pjesë e turmës e cila me veprim të përbashkët ka kryer dhunë ndaj zyrtarëve policorë dhe personave tjerë. I dyshuari dhe disa persona tjerë, kanë filluar që bashkërisht të gjuajnë ndaj policisë, gurë, pllaka bekatoni, shufra hekuri dhe mjete tjera, në përpjekje që ta thyejnë kordonin policorë. Si rezultat i kësaj, kanë marrë lëndime të rënda trupore 11 policë dhe një gazetar i pranishëm në ngjarje”, thonë nga Prokuroria.

Prokuroria ka dorëzuar propozim për paraburgim, ndërkaq paraprakisht për të njëjtën ngjarje Prokuroria ka ngritur edhe pesë procedura tjera kundër pesë personave tjerë.

Të gjithë të akuzuarit, Prokuroria i përndjek sipas nenit 385, paragrafi 2 në lidhje me paragrafin 1 të Kodit Penal, i cili parashikon dënime me burg për prej tre muaj deri në pesë vjet.

Neni 385 i Kodit Penal
Neni 385 i Kodit Penal

Pjesëmarrje në turmë që do të kryejë vepër penale

Neni 385

  • Paragrafi 1: Ai që do të marrë pjesë në turmë që me veprim të përbashkët do të kryejë dhunë ndaj personave ose do të dëmtojë ose do të shkatërrojë pronë me vlerë më të madhe, do të dënohet me gjobë në para ose me burg deri në tre vjet.
  • Paragrafi 2: Nëse gjatë veprimit të turmës ndonjë person privohet nga liria ose do të marrë ndonjë lëndim të rëndë trupor ose do të bëhet ndonjë dëm me përmasa më të mëdha, pjesëmarrësi në tumë për vetë pjesëmarrjen, do të dënohet me burg prej tre muaj deri në pesë vjet.
  • Paragrafi 3: Udhëheqësi i turmës do të dënohet me burg prej një deri në dhjetë vjet.

30.07.2014: Tre vite burg për 6 protestuesit për “Monstrën”

vitin 2014-të, në protestat kundër vendimit të gjykimit të parë gjithashtu u mbajtën protesta të ashpra. Asokohe u dënuan 6 persona me nga tre vjet burg. Të gjithë gjashtë personat akuzoheshin për veprën e njëjtë penale sikur tani “pjesëmarrje në turmë që do të kryejë vepër penale”.

PËR MË SHUMË LIDHUR ME TEMËN LEXO: DOSJE “Monstra”: Vrasja e pesëfishtë në Liqenin e Smillkovës të Shkupit

Lajme të ngjashme

Leave a Reply

Your email address will not be published. Required fields are marked *

Back to top button