fbpx

Në qendrat Kovid në Shkup janë hospitalizuar 36 pacientë gjatë 24 orëve të fundit

Në 24 orët e fundit në Kovid-Qendrat në Shkup janë hospitalizuar 36 pacientë të rinj për shkak të ndërlikimeve të korona virusit. Gjithsej 242 persona të dyshuar dhe të konfirmuar për Covid-19 po trajtohen në repartet e sëmundjeve infektive në kryeqytet, kumtoi Ministria e Shëndetësisë, njofton Portalb.mk.

“13 pacientë u pranuan në klinikën interne të Shkupit, 12 të tjerë në qendrën për kovid 8 Shtatori, 10 në Klinikën e Sëmundjeve Infektive dhe 1 u pranua në Kozle”- njoftuan nga Ministria e Shëndetësisë.

Ndërkaq, 42 pacientë të tjerë të shëruar u liruan në shtëpi.

Për momentin, 11 pacientë janë duke u trajtuar në qendrën kovid të Klinikës së Dermatologjisë, 24 pacientë në Klinikën e Neurologjisë dhe një total prej 35 pacientësh me simptoma të korona virusit janë pranuar në Institutin e TBC.

Në spitalin 8 Shtatori ka gjithsej 74 pacientë, ndërsa 82 pacientë qëndrojnë në Klinikën për Sëmundje Infektive, ndërsa 12 pacientë ndodhen në Institutin për Sëmundjet e Mushkërive te Fëmijët në Kozle.

Gjithsej 242 pacientë të konfirmuar me KOVID-19 po shërohen në kovid qendrat. Pjesa më e madhe e pacientëve janë në mbështetje oksigjeni.

Numri i pranimeve në ditët e kaluara ishte i qëndrueshëm dhe kishte 80 shtretër të lira deri në orën 8 të mëngjesit të sotëm dhe pritet që gjatë ditës pas ekzaminimeve të pacientëve të shëruar do të lirohen ende.

Për informata më të detajuara për situatën me virusin korona, klikoni në këtë link: http://gdi.mk/corona/

Lajme të ngjashme

Leave a Reply

Your email address will not be published. Required fields are marked *

Back to top button