fbpx

Për objektin e paligjshëm përballë Ambasadës amerikane është akuzuar vetëm investitori, por jo edhe Ahmeti dhe Gruevski

Prokuroria Themelore Publike në Shkup sot ngriti akuza për veprën penale të Ndërtim i Paligjshëm për objektin përballë Ambasadës së SHBA-së, një çështje e hapur nga ish Prokuroria Speciale Publike në vitin 2017 me emrin e koduar “Liderët”, njoftoi Prokuroria Publike. Për këtë rast është akuzuar vetëm investitori 50-vjeçar nga Shkupi, njofton Portalb.mk.

“Prokuroria Themelore Publike në Shkup sot ngriti aktakuzë kundër një personi në rastin e njohur për publikun si”Liderët”. I akuzuari 50-vjeçar nga Shkupi akuzohet për një vepër penale – Ndërtim i paligjshëm në përputhje me nenin 244-a paragrafi 1 të Kodit Penal. Në periudhën nga shtatori 2011 deri në shkurt 2013, i pandehuri ndërtoi në tokën shtetërore në bulevardin ‘Nikolla Karev’ në Shkup, për të cilën në vitin 2004 ai kishte lidhur një marrëveshje për qira dhe përdorimin e kullotave me NP për Kullota – Filiali Bit Pazar – Shkup. Megjithëse sipas marrëveshjes ai ishte përdorues i tokës për një periudhë 10 vjeçare, ai investoi në ndërtimin e një ndërtese prej betoni të armuar të kategorisë së dytë. Pa leje ndërtimi, ai ndërtoi një objekt banimi dykatëshe me një sipërfaqe totale të përdorshme prej 1,001 m2, me hapësirë ​​për zyre dhe gjashtë apartamente”, njoftoi Prokuroria.

Hetimi për rastin “Liderët” u hap pas bombës në të cilën ish-liderët e VMRO-DPMNE-së Nikolla Gruevski dhe lideri i BDI-së Ali Ahmeti u morën vesh për prishjen selektive të ndërtesave ilegale të “tonave” dhe “tuajave”, por në këtë rast ata nuk ndiqen, por vetëm zhvilluesi i ndërtimit të paligjshëm.

Lajme të ngjashme

Leave a Reply

Your email address will not be published. Required fields are marked *

Back to top button