RMV, për organizimin e zgjedhjeve përmes shenjave të gishtave dhe sigurinë kibernetike, KSHZ-ja takoi MPB-në
Komisioni shtetëror zgjedhor (KSHZ) dhe Ministria e punëve të brendshme (MPB) sot zhvilluan takim për të shqyrtuar mundësinë e futjes së shenjave të gishtave gjatë procesit zgjedhor, si një nga ndryshimet në Kodin Zgjedhor, transmeton Portalb.mk.
“Përfaqësuesit e KSHZ-së dhe ministri Oliver Spasovki theksuan nevojën për ndryshime ligjore, me të cilat do të konfirmohet mënyra e përdorimit të shenjave të gishtave në procesin zgjedhor”, raportojnë nga MPB-ja.
KSHZ-ja për këtë arsye ka kërkuar mbështetje nga policia, duke llogaritur që më 10 shkurt të këtij viti, KSHZ-ja vendosi që për Strategjinë TIK 2021-23 dhe Strategjinë për siguri kibernetike të formojë grup të punës ku do të jenë: 3 ekspertë të jashtëm, një përfaqësues i KSHZ-së, MPB-së, Regjistrit Qendror dhe një nga Fakulteti i shkencave kompjuterike.
“Ministri Spasovski e theksoi nevojën për formimin e grupit të përbashkët të punës, që do t’i zgjidhë gjithë dilemat dhe dallimet gjatë procesit, por edhe nevojën për strategji të përgjithshme për siguri kibernetike”, deklarojnë nga MPB-ja.
Ndryshe, KSHZ-ja këtë muaj raportoi për shqyrtimin e kërkesës së tyre deri tek Ministria e financave për sigurim të mjeteve shtesë për furnizim të fingerprint aparateve si pjesë e procesit zgjedhor.
- LEXO: Anëtarët e posazgjedhur të KShZ-së dhanë deklarata solemne para kryetarit të Kuvendit Talat Xhaferi
- LEXO: RMV, Kuvendi zgjodhi kryetarin dhe anëtarët e ri të KSHZ-së
- LEXO: RMV, lista e 14 kandidatëve për anëtarë të KShZ-së u konfirmua në Komisionin e Kuvendit
- LEXO: RMV, përbërja e re e KShZ-së do të zgjidhet sipas rregullave të vjetra
- LEXO: Mundemi të realizojmë edhe zgjedhje lokale edhe ato parlamentare, vlerësoi kryetari i KSHZ-së