Janë sanksionuar 269 shoferë në Shkup
Policia ka shqiptuar 269 masa kundër shoferëve në Shkup prej të cilëve 32 për vozitje pa patentë shoferi, 19 për vozitje mbi shpejtësinë e lejuar dhe 17 për vozitje nën ndikim të alkoolit, njofton Portalb.
Ministria e Punëve të Brendshme sot kumtoi se aksioni i kontrollit është realizuar gjatë ditës së djeshme. Janë shqiptuar 14 masa për automjete me probleme teknike, 14 për përdorim të celularit, 21 për mospërdorim të
rripit të sigurisë, 6 për rreshtim jo të drejtë dhe 62 sanksione për parkim jo të rregullt.
Kontrollet e përforcuara të komunikacionit vazhdojnë edhe në ditët në vijim, paralajmërojnë nga MPB, duke apeluar deri te qytetarët t’i respektojnë rregullat e komunikacionit dhe dispozitat me qëllim që të rritet siguria në komunikacion.