10 sinjale paralajmëruese se COVID-19 është rrugës për të shkatërruar shëndetin e trurit

Tashmë mbi një vit përvojë ka treguar qartë se COVID-19 nuk është thjesht një sëmundje respiratore, por prek të gjithë organizmin. Mjekët aktualisht po përpiqen të kuptojnë më mirë se si ndikon në shëndetin e trurit, shkruan Panacea.mk.

Një studim i mëparshëm zbuloi se një e treta e pacientëve të shtruar në spital treguan ndryshime në funksionin mendor, nga konfuzioni në delirium. Të njëjtët pacientë qëndruan në spital tre herë më gjatë, ndërsa vetëm 32 përqind pas daljes ishin në gjendje të rifillonin aktivitetet e përditshme.

Ekspertët besojnë se këto ndryshime ndodhin sepse virusi ka tendencë të shkaktojë inflamacion dhe të prishë qarkullimin. Këto janë disa nga simptomat serioze neurologjike që lidhen me COVID-19:

Mjegulla e trurit
Shumë pacientë raportojnë se ndihen të hutuar dhe kanë vështirësi në fokusimin dhe përqendrimin. Kjo gjendje mund të zgjasë me javë ose muaj. Një studim i botuar në revistën Lancet zbuloi se 55 përqind e të diagnostikuarve me koronavirus kishin simptoma neurologjike tre muaj pas diagnozës.

Marramendje
COVID-19 shpesh shkakton marrje mendsh dhe humbje të vetëdijes, ndërsa disa pacientë kanë raportuar se ndjehen të trullosur kur ngrihen nga karrigia ose shtrati. Për fat të keq, gjendja është shumë e zakonshme, 30 përqind e pacientëve në studim e raportojnë këtë simptomë.

Sulmi në tru
Kjo gjendje shqetëson më së shumti mjekët sepse janë të rinj jashtëzakonisht të shëndetshëm, pa asnjë simptomë dhe faktorë rreziku që të pësojnë sulm në tru si rezultat i COVID-19, ndërsa disa prej tyre janë fatale. Duket se virusi ka tendencë të shkaktojë mpiksje të gjakut në tru, zemër dhe mushkëri.

Disautonomia
Gjatë shërimit, disa pacientë raportuan këtë gjendje të çuditshme, në të cilën komunikimi midis trurit dhe nervave “shpërthen”. Simptomat përfshijnë vështirësi me frymëmarrjen dhe tretjen, pagjumësi, migrenë, ndjesi shpimi gjilpërash në duar dhe shputa, rrahje të shpejta të zemrës dhe ankth. Shkencëtarët nuk e dinë se çfarë e shkakton këtë gjendje.

Humbja e kujtesës
Arsyeja për këtë gjendje mund të jetë që virusi dëmton enët e gjakut në tru.

Problemet me shëndetin mendor
Ballafaqimi me një sëmundje të panjohur, potencialisht vdekjeprurëse siç është COVID-19 mund të ndikojë shumë në shëndetin mendor, ankthin, depresionin, madje edhe çrregullimin e stresit post-traumatik, gjendje që do të duhet të trajtohen shumë kohë pasi simptomat të jenë larguar.

Konfuzioni
Qendra për parandalimin e sëmundjeve thotë se konfuzioni është problem serioz i koronavirusit që kërkon trajtim serioz. Kjo mund të nënkuptojë që koronavirusi ka shkaktuar inflamacion në tru.

Deliriumi
Vjeshtën e kaluar, mjekët raportuan se pacientët e rinj kishin simptoma të çuditshme, njëra prej të cilave karakterizohej nga konfuzion i një sensi të reduktuar të asaj që po ndodhte rreth personit. 40 për qind e pacientëve të shtruar në spital mund ta përjetojnë këtë simptomë.

Humbja e ndjenjës së nuhatjes dhe shijes
Në një studim të botuar në Journal of the American Medical Association, 64 përqind e njerëzve me koronavirus raportuan humbje të nuhatjes dhe shijes. Një studim i fundit zbuloi se kjo gjendje zgjat mesatarisht deri në tetë ditë.