fbpx

U premtua gjatë fushatës zgjedhore, Sh.F “Ismail Qemali” nuk është rikonstruuar ende

Kryetari i Komunës së Çairit, Visar Ganiu në “Kontratën” e tij ku ai paraqiti programin e tij në fushatën parazgjedhore në zgjedhjet e kaluara lokale, mes tjerash ka premtuar edhe shumë projekte sa i përket rikontruimit të shkollave fillore në territorin e kësaj komune, shkruan Portalb.mk.

Premtimi për Sh.F “Ismail Qemali”, si do të dukej

Në këtë program ai ka premtuar edhe rikonstruim të Shkollës Fillore “Ismail Qemali”. Megjithatë, edhe pse premtoi se projekti për rikonstruimin e kësaj shkolle do të përfshinte: rikonstruim të fasadës, rikonstruim të kulmit, rikonstruim të gardhit, rregullim hortikulturor, fushë loje me rekuizita, pajisje urbane, rrugicë për këmbësorë, zgjerimi me 10 paralele, një gjë e tillë nuk është realizuar.

Si duket aktulisht Sh.F “Ismail Qemali”

Madje, për realizimin e këtij projekti, ai kishte premtuar buxhet prej 83,950,200,00 denarësh.

Si duket Sh.F “Ismail Qemali”

Megjithatë, ambienti i jashtëm i shkollës mbetet i parregulluar. Gazetarja e Portalb.mk, ka kapur fotot nga terreni ku oborri nuk mirëmbahet, ndërsa një pjesë e tij, përpos se nuk është me rrugica të premtuara për këmbësorë, ka edhe baltë, sidomos gjatë stinëve kur bie shi dhe borë.

ShF Ismail Qemali

Sa i përket zgjerimit të paraleleve, Ganiu në programin e tij ka premtuar 10 paralele, ndërsa në deklaratën e dhënë për Portalb.mk më 22 janar, ai tha se do të zgjerohen 8 paralele.

“Është premtuar projekti për rikonstruimin e shkollave dhe deri më tani kemi gjashtë shkolla të rikonstruara. Do të fillojmë edhe me realizimin e premtimin për zgjerimin e 8 klasave të reja te shkolla fillore Ismail Qemali, aneks shtesë për shkak se aty është numri i madh i nxënësve dhe ka nevojë për hapësira të reja”, u përgjigj Ganiu.

Kujtojmë se gjatë fushatës së tij zgjedhore, Ganiu kishte premtuar edhe rikontruim të çerdheve, megjithatë as ato deri më tani nuk janë rikonstruuar.

Lajme të ngjashme

Leave a Reply

Your email address will not be published. Required fields are marked *

Back to top button