RMV, më pak se 1 % e mbeturinave riciklohen, një nga problemet theksohet mungesa e shportave
Në Maqedoninë e Veriut është akoma e vogël sasia e mbledhur e mbeturinave plastike, raportojnë nga Enti shtetëror i revizionit, duke theksuar që edhe ato mbeturina zakonisht përfundojnë në deponi, transmeton Portalb.mk.
“Politikat, masat dhe aktivitetet e ndërmarra nga institucionet kompetente për vendosjen e një sistemi të integruar për menaxhim me hedhurinat plastike, NUK janë efektive dhe nuk mundësojnë shmangien dhe zvogëlimin e sasisë së hedhurinave plastike të krijuara, përdorimin efikas të materialeve të përdorshme të hedhurinave si dhe respektimin e plotë të parimeve për menaxhimin me hedhurina”, raportojnë nga Enti.
Në Raport vlerësohet që nuk janë krijuar kushte për seleksionim, pasi një nga arsyet për mosgrumbullimin e mbeturinave është numri i vogël i enëve të vendosura në krahasim me numrin e banorëve. Arsye tjetër llogaritet edhe mungesa e masave stimuluese, si dhe mungesa e automjeteve speciale për mbledhje dhe transportimin e tyre.
“Përzgjedhja e mbeturinave nuk është një zakon dhe sjellje e përditshme e qytetarëve në RMV, dhe ekziston një nivel i ulët i seleksionimit primarë dhe sekondarë të hedhurinave, e cila nga ana tjetër pasqyron negativisht trajtimin efektiv dhe efikas të hedhurinave plastike”, raportojnë nga Enti.
Në raport theksohen institucionet që janë të përfshirë në sistemin për menaxhimin me hedhurinat plastike, si Ministria e Mjedisit dhe Planifikimit Hapësinor – Administrata e Mjedisit Jetësor, Njësitë e Vetëqeverisjes Lokale, Qendrat Rajonale për Menaxhimit me Mbeturina, Ndërmarrjet Publike, Inspektorati Shtetëror i Mjedisit Jetësor dhe institucione të tjera.
“Të dhënat nga institucionet kompetente tregojnë se nga grumbullimi total i hedhurinave në RMV, më pak se 1% riciklohen. Gjithashtu, nuk ndërmerren iniciativa dhe aktivitete për ripërdorimin e hedhurinave plastike. Sasia e grumbulluar e hedhurinave plastike në vend është minimal dhe përfaqëson rreth 1.4% të totalit të hedhurinave të grumbulluara në një vit”, deklarojnë nga Enti, duke shtuar ende menaxhimi rajonal i hedhurinave nuk është vendosur, edhe pse disa aktivitete kanë filluar.
Raporti është hartuar pas revizionit t Entit në temën “Trajtimi dhe menaxhimi efikas i hedhurinave plastike” në periudhën 2017-2019.
- LEXO: RMV, Qeveria obligoi ministritë të sigurojnë fonde për sistemet rajonale të menaxhimit të mbeturinave
- LEXO: RMV, vendimet e Qeverisë për strategjinë mbi duhanin, mbeturinat, korrupsionin, Agjencinë për energjetikë dhe propozimet tjera
- LEXO: RMV, problemin me trajtimin e mbeturinave e vëmë “nën qilim”, si rezultat i kemi deponitë ilegale (VIDEO)
- LEXO: RMV, Qytetarë të pandërgjegjshëm nuk duan të paguajnë 200 denarë në “Drisla”, ashtu që mbeturinat e ndërtimit i hedhin ku të mbërrijnë
- LEXO: RMV, Nga java tjetër do të fillojë më në fund heqja e deponisë së zezë te “Shkritorja” në Veles, njoftoi koncesionari
- LEXO: RMV, Banorët e Qendrës do të paguhen deri 1.5 denarë për një shishe plastike të recikluar
- LEXO: RMV, Plani për menaxhim me mbeturinat deri në vitin 2030 – shumë ambicie, pak burime të financave
- LEXO: RMV, aq shumë mbeturina prodhojmë saqë nuk mund as t’i mbledhim (Infografik)
- LEXO: Çdo vit grumbullohen rreth 117.000 tonë mbeturina nga ambalazhi, “Pakomak” i riciklon 28.000 tonë
- LEXO: RMV, Prej tetorit banorët e Qendrës do të marrin nga 1.000 denarë në muaj për riciklim të shisheve të plastikës
- LEXO: Vetëm në Maqedoni, riciklimi nuk është biznes