Koncepti i ri, Carovska zhvilloi takim me drejtorët e shkollave fillore dhe përfaqësues të Universiteteve
Ministrja e Arsimit Milla Carovska zhvilloi takime me drejtorët e shkollave fillore dhe përfaqësues të Universiteteve të vendit, ku u bisedua për konceptin e ri në arsimin fillor. Qëllimi i takimeve, siç u shpreh Carovka, ishte zhvillimi i debatit, sugjerimeve dhe komenteve të të gjitha palëve të përfshira në këtë proces reformues, njofton Portalb.mk.
“Sot kishim takim me përfaqësues të institucioneve të arsimit të lartë, nga Fakultete të ndryshme, Universitete të ndryshme. Të gjithë ata kanë mundësi të kontribuojnë në përmirësimin e konceptit dhe të cilët besojnë se ky koncept përbën një hap domethënës në përmirësimin e arsimit fillor, ndërsa më pas do të bëhen diskutime të tjera për nivelet tjera të arsimit”, deklaroi Carovska.
Përfaqësuesja e Fkultetit Pedagogjik-Shtip tha se të gjithë janë të një mendimi se çdo kohë bartë sfida dhe se një reformë e tillë është e nevojshme.
“Unë do të thoja se në konceptin e propozuar, jepen udhëzime konkrete, në të cilat nëse përfshihen të gjithë aktorët, duke filluar nga prindërit e deri te arsimtarët, do të japim kontribut për përmirësimin e këtij koncepti, që do të jetë në interes të nxënësve tanë”, tha Emilija Petrova Gjorgjieva, nga Universiteti Goce Dellçev-Shtip.
“Sot kishim debat të frytshëm, ku dham përkrahjen për realizimin e konceptit të ri. Sugjerimet do t’i marrim deri në javën e ardhshme, kur do të kemi debat në Parlamentin e Maqedonisë dhe pas saj do ta finalizojmë në bazë të këtyre sugjerimeve”, tha një përfaqësues tjetër.
Sllavço Dimitrov nga Universiteti Fon deklaroi se iniciativa dhe reformat më thelbësore deri tani është një proces ku duhet të kyçen të gjithë aktorët përgjegjës. Nxënësit, u shpreh ai, duhet të jenë fokusi i këtij procesi.
Dekani i Fakultetit Pedagogjik i Universiteti të Tetovës Fatbi Osmani tha se ata e përkrahin reformën dhe kanë dhënë sugjerimet dhe vërejtjet e tyre.
“Në këtë takim u diskutua gjerë e gjatë me të gjitha segmentet që përfshin reforma dhe po zhvillohet një debat shumë i frytshëm dhe shumë konstruktiv, sidomos nga fakultetet pedagogjike. Unë mendoj që ka pas diskutime të rëndësishme dhe ne si Universitet i Tetovës kemi përkrahur këtë reformë me gjithë sugjerimet dhe vërejtjet tona”, deklaroi Osmani.
Mimoza Ristova nga Fakulteti matematiko-natyror Shkup tha se koncepti nënkupton dëshirë për ndryshim në arsim.
“Koncepti do të formojë një shoqëri të integruar”, tha Ristova.
Ndërkohë edhe në takimin e Carovskës me Shoqatën e Drejtorëve të Shkollave Fillore dhe të Mesme temë diskutimi ishte procesi e reformave në arsim.
Siç thuhet në kumtesën e MASh-it, drejtorët i dhanë mbështetjen e tyre të plotë reformave dhe kanë vënë në dukje se do të përfshihen plotësisht dhe me përkushtim në të gjithë procesin e implementimit.
Ministrja e Arsimit dhe Shkencës Mila Carovska tha se me reformën për herë të parë nxënësit vihen në fokusin e arsimit, dhe mësimdhënësit janë lidhja kyçe në mësim.
Ministrja theksoi se shkollat duhet të bëhen vende interesante ku do të stimulohet kurioziteti dhe mendimi kritik dhe krijues i fëmijëve dhe kjo është pikërisht ajo që ofron kjo reformë.
Ndryshe, siç kanë paralajmëruar institucionet kompetente, ndryshimet që janë planifikuar në lidhje me lëndët mësimore, do të fillojnë nga viti i ardhshëm dhe do të futen në klasën e parë dhe në të gjashtën.
Do të përgatiten libra të rinj, materiale mësimore, manuale për të gjitha risitë e planifikuara dhe do të vijojë punë intensive me mësuesit që do të japin mësim.
Në secilën shkollë janë përgatitur mësues të historisë, gjeografisë, filozofisë, të cilët do të mund të zhvillojnë mësimin, t’i planifikojnë bashkërisht aktivitetet, kurse mënyra e organizimit të mësimdhënies do të specifikohet në programet mësimore.
- LEXO: RMV, të mërkurën do të përfundojë afati për propozimet rreth konceptit të ri për arsimin fillor
- LEXO: RMV, sa do të qëndrojnë në shkollë nxënësit dhe mësimdhënësit sipas Konceptit të ri të propozuara
- LEXO: RMV, në shkollat fillore duhet të ketë internet, kompjuter, projektor, libra digjital, laboratorë, sipas propozimeve të Konceptit të ri
- LEXO: RMV, çfarë lëndë të detyrueshme dhe zgjedhore do të ketë në shkollat fillore sipas Konceptit të ri të propozuar
- LEXO: RMV, do të zvogëlohet numri i lëndëve në shkolla, por do të rritet cilësia, vlerësoi ministrja Carovska
- LEXO: Deri më 20 janar, MASH do t’i presë propozimet për propozim-versionin e konceptit për arsim fillor
- LEXO: Carovska: Koncepti është pjesë e Strategjisë së MASH-it për vitin 2018-2025, si dhe pjesë e Ligjit për arsim fillor (VIDEO)
- LEXO: Carovska dhe Mijiq: Koncepti i ri vazhdimësi e mësimit të shkencave natyrore, fëmijët do të mësojnë për multikulturalizmin
- LEXO: RMV, mënyra e re e mësimit mund të fillojë në shtator me klasën e parë dhe të gjashtë, ja cilat janë risitë
- LEXO: RMV, rezultati i dobët i nxënësve në gara ndërkombëtare është arsye për konceptin e ri, vlerësoi ministrja Carovska