Varianti i ri i virusit korona ka arritur në Serbi, Vuçiç: Nëse nuk e parandalojmë, do të jetë ferr për ne
Presidenti i Serbisë, Aleksandar Vuçiç, sot deklaroi se mutacioni i ri i virusit korona, i cili së pari u shfaq në Britaninë e Madhe, “ka arritur në Serbi”, me çka është informuar nga ministri i Shëndetësisë, Zlatibor Lonçar, shkruan Fokus, transmeton Portalb.mk.
“Një udhëtare nga Londra, e cila ishte negative në testin PC, e solli këtë variant, bashkëshorti i saj kishte simptome serioze” tha Vuçiç në “Tv prva” ku edhe paralajmëroi se të gjitha kontaktet e pacientes janë munduar ti izolojnë.
“I ndjekim kontaktet, i izolojmë dhe sot mundemi me shpresë të themi se do të parandalojmë, në qoftë se kjo ndodh, do të ishte ferr për ne” tha Vuçiç.
Presidenti i Serbisë, Aleksandar Vuçiç, në intervistë tha se pret që sot të vaksinohen deri në 50 mijë persona, si dhe se Serbia tashme prej nesër mund të konsiderohet si shteti i tretë në evropë për vaksinim, për 100 mijë banorë.
Sipas ministres për punë, Darija Kisiq Tepavqeviq, në Serbi sot vazhdon vaksinimi masiv dhe deri tani janë vaksinuar 172 mijë persona.