Gjyqi kundër Trumpit nis më 8 shkurt
Gjyqi në Senatin amerikan për ish-presidentin e Shteteve të Bashkuara, Donald Trump, me akuzat për “nxitje të kryengritjes” për shkak të dhunës vdekjeprurëse në Kongres, do të nisë më 8 shkurt, transmeton REL.
Lideri i shumicës në Senat, demokrati, Chuck Schumer, ka bërë këtë njoftim pasi ka diskutuar këtë çështje me republikanët.
Udhëheqësja e Dhomës së Përfaqësuesve Nancy Pelosi planifikon të dërgojë padinë kundër Trumpit në Senat më 25 janar, për të nisur procedurat fillestare në ditën pasuese.
“Gjyqi do të mbahet në Senatin e Shteteve të Bashkuara dhe do të ketë votim nëse duhet të dënohet presidenti”, ka thënë Schumer në një fjalim në dhomën e Senatit.
Trump – presidenti i parë amerikan ndaj të cilit janë ngritur dy herë akuza për shkarkim, dhe i pari që gjykohet pasi i ka skaduar mandati – është nisur drejt Floridas më 20 janar, duke mos marrë pjesë në inaugurimin e pasardhësit të tij Joe Biden.
Sulmi ndaj Kongresit më 6 janar, nga protestuesit pro Trumpit ka rezultuar me vdekjen e pesë personave, duke përfshirë një zyrtar policor.
Dhuna në Kongres ka shpërthyer pasi Trump ka pretenduar disa herë – pa ofruar fakte – se ai ka fituar zgjedhjet e 3 nëntorit dhe se procesi është manipuluar.
- LEXO: Akuzat ndaj Trumpit do t’i dorëzohen Senatit më 25 janar
- LEXO: Republikanët kërkuan shtyrjen e gjyqit ndaj ish-presidentit Trump
- LEXO: Kina ka vendosur sanksione ndaj ish-zyrtarëve të administratës Trump
- LEXO: Biden shfuqizoi vendimet e Trump-it: murin me Meksikën, ndalesat ndaj udhëtimeve të muslimanëve dhe të tjera
- LEXO: Ish-këshilltari Steve Bannon dhe reperë, midis 73 të falurve nga Trumpi përpara largimit nga Shtëpia e Bardhë
- LEXO: Në fjalimin lamtumirës, Presidenti Trump uroi administratën e re
- LEXO: McConnell, akuza presidentit Trump: Provokoi trazira
- LEXO: Donald dhe Melania Trump nesër do të largohen nga Shtëpia e Bardhë: Zonja e parë dha mesazhin lamtumirës (VIDEO)
- LEXO: Çfarë ndodh nëse një president nuk largohet?
- LEXO: SHBA me sanksione ndaj kompanive në Kinë, Iran dhe Emirate të Bashkuara Arabe