fbpx

Shkup, trotuaret në ‘Rrugën e Plastikave’ do të lirohen nga veturat kur të ndërtohet parking me kate

Qyteti i Shkupit riparoi rrugën Nikolla Karev ose “Rrugën e Plastikave” në Shkup, por kaosi me automjetet e parkuara në të gjitha anët assesi të zgjidhet. Në verë, përveç shtrimit të asfaltit të ri përgjatë rrugës, u rikonstruktuan edhe shtigjet për këmbësorë, një shteg për biçikleta dhe është mbjellë gjelbërimin. Por në vend të këmbësorëve dhe çiklistëve, trotuaret ende bllokohen nga automjetet që parkohen aty, njofton Portalb.mk.

Përveç trotuareve, makinat parkohen edhe përgjatë rrugës, duke zënë një korsi. Në terren nuk ka inspektorë komunalë nga Qyteti i Shkupit dhe Komuna e Çairit, as polici që t’i dënojë.

Kryetari i Shkupit Petre Shilegov thotë se po punojnë për zgjidhjen e këtij problemi duke ndërtuar parkingje dhe një parking me kate dhe vetëm pasi të përfundojnë, trotuaret do të jenë të lira nga automjetet.

“Atje punët për përmirësimin e performancës së parkimit, në mënyrë që të parandalojmë parkimin në trotuare. Do të vendosim shtylla pasi të përmirësojmë performancën. Kur filloni zbatimin e një projekti të tilla, gjithmonë flisni me komunitetin. Ramë dakord që do të shkojmë pjesërisht dhe pasi hapësira e parkimit të zgjidhet, trotuaret do të lirohen. Është për të ardhur keq që është lejuar zhvillim i një kapaciteti të tillë të lokaleve, kurse nga ana tjetër nevojat e qytetarëve nuk u morën parasysh. Jemi duke punuar në një vend parkimi, ekzistojnë edhe dy të tjerë. Njëra është në territorin e Komunës së Qendër në hyrje të Rrugës së Plastikave dhe tjetra në Duqanxhik ku ka tokë shtetërore për ndërtimin e një garazhi me kate. Me këto tre parkingje, problemi me parkimin do të tejkalohet, dhe pastaj do të vendosim shtylla përgjatë rrugës,” tha Shilegov.

Qyteti i Shkupit muajin e kaluar filloi me zgjerimin e bulevardit në rrugën Nikolla Karev në shtrirjen nga kazerma Ilinden deri në kryqëzimin në Momin Potok. Sipas njoftimeve, punimet e ndërtimit duhet të përfundojnë këtë verë.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close