fbpx

Benjamin Xhaferi: Po vazhdoj karrierën time për vallëzim në Slloveni,në një skenë që do të më ofrojë më shumë mundësi

Vallëzimi është një poemë, ku çdo lëvizje është një fjalë! – Mata Hari.

Benjamin Xhaferi është një prej valltarëve më të talentuar në Maqedoninë e Veriut. Dëshirën për të vallëzuar e ka shfaqur që i vogël, por, në atë kohë nuk kishte hasur në ndonjë shkollë apo ansambël për ta ushtruar profesionalisht. Hapin e parë në vallëzim e mori në moshën 18-vjeçare dhe që në atë moment ai e dinte se me çfarë do të merrej gjatë jetës së tij, shkruan Portalb.

Hapat e para i bëra në Studio Rebis. Pas disa muajve kalova ne Aqua Dance Club, ku isha pjesë e katër vjet të plota. Pas katër viteve, kalova në studion Break a Leg, ku kërceja dhe jepja mësim deri në vitin 2020. Dëshira ime e madhe më bëri t’i zhvilloj aftesitë e mia, të kërkoj seminare dhe orë jashtë vendit. Gjate viteve të kaluara kam marrë pjesë në shumë seminare dhe kampe edukative, që t’i zhvilloj aftesitë e mia në një nivel edhe më të lartë. Është shumë interesant momenti i tranzicionit, nga një person që merr mësim, fillojnë të të kerkojnë që të japësh mesime edhe në vende jashtë Maqedonisë. Në fillim është një ndjenjë e çuditshme, normal, dhe njëkohësisht edhe shumë e bukur. Pastaj adaptohesh dhe kjo të bëhet realitet.” tha Benjamini.

This slideshow requires JavaScript.

Sa i përket interesimit që njerëzit kanë për vallëzimin, Benjamini shprehet:

“Ndoshta çdokush do të thotë të njejtën për profesionin e tij, mirëpo, për mendimin tim, nuk ka gjë më të mirë se orët e kërcimit. Është një eksperiencë dhe ndjenjë relaksuese, si dhe ndihmon shumë në zhvillimin e aspektit shoqërues te të rinjtë. Interesimi i njerëzve për t’u marrë me kërcim po rritet nga viti në vit. Kohës së fundit vallëzimi po zhvillohet shumë dhe kjo e bën më atraktiv, që të rinjtë të marrin orë për të mësuar vallëzimin. Është një eksperiencë e bukur, të shohësh si dikush zhvillon aftësitë për lëvizjen e trupit nga hapat e para, e deri pas disa vitesh eksperiencë. Zakonisht, me ata që kanë më shumë eksperiencë, ushtrojmë dhe koreografi të ndryshme, për qëllime të ndryshme: gara, video xhirime, performime, zhvillim të mëtejshëm.” u shpreh Benjamin Xhaferi.

Me lëvizjet që Benjamini ka, mori vëmendje edhe jashtë vendit! Ai tani e gjashtë muaj është vendosur në Slloveni.

“Tre-katër vitet e fundit fillova të jap mësim edhe jashtë vendit, nëpër studio dhe kampe edukative. Dy vitet e fundit mora ftesë të jap mësim në Danimarkë dhe në Slloveni. Ishte një eksperiencë shumë e bukur. Fillova bashkëpunimin në Slloveni dhe shkoja si trajnues çdo tre muaj. Eksperienca që fitova jashtë vendit më bëri që të mësoj edhe më shumë nga vallëzimi. Me fillimin e pandemisë, mora vendimin që të vazhdoj karrierën time dhe të zhvillohem edhe më shumë në Slloveni, në një skenë që besoj do të më ofrojë edhe më shumë mundësi.” u shpreh Xhaferi.

Mesazhi i Benjaminit drejtuar të rinjve sa i përket vallëzimit është: 

Kërcimi është diçka që duhet ta provon çdokush. Nëse lirohesh në kërcim, çdo gjë në jetë është më e lirë pastaj, e këtu bëjnë pjesë ahengjet dhe momentet shoqëruese. Bëje një hap vetë, i dyti vjen vetë! Kënaqu në jetë.” e përmbylli Benjamin Xhaferi.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close