FILLIMVITI ME XHUMEN
…pasi dëgjova recitimin e poezisë Kristal të Kadaresë në Observer, i shkrova:
On Jan 1, 2021, at 10:05 PM, Lindita Kadriu <[email protected]> wrote to Xhumazije Rizvani:
Kristalisht e qartë që ti je recituese e rrallë
kuku, si e ke qajt Kristalin, rrënqethshëm bukur, subtil recitimi, i ngrohtë dhe femëror
të lumtë mjeshtre
kam dëgjuar se je mjeshtre edhe e kuzhinës, por unë tashmë vendosa të shkoj nesër në Te për një takim, e pa axhele do vijmë me Vjollcën në petë misri kur të merreni vesh të dyja
interesohu të lutem edhe për një gjë
ne mund të bëhemi komshi
një banesë të vogël aty afër jush, që i bie në lagjen e prindërve të mi, që jepet me qera
jo, nuk është plan i Vitit të ri që filloj ta realizoj që nga 1 janari
s’e festoj festën, nuk bëj plane as kam dëshira, si me thënë, vjetore
ka kohë që e mendoj pavaresimin nga prindërit
dua të jetoj me djalin në Shk, por as mos shkëputem nga Tetova ku banesën e kam vetëm tre minuta ecje deri në Shend e verë, klubi i qytetit që me bën të kem shpresa për ardhmërinë shqiptare, asnjë fjalë e tepërt
Ky fakt plus dashnia më mbajnë të ngujuar në vendlindje, por Kreshniku do ishte adaptuar ndoshta në Shkup ashtu si u adaptua në Tetovë. E meta e vetme është që djalin tim nuk e bind dot të rrijë me gjatë me mua këtu.
tash ni cigare në ballkon, e para gjumit të hy në vaskë të nxehtë se me dhemb shpina nga shkrimi në laptop
jam kënaq Xhume këto ditë duke shkruar
nuk ka ma uzhivanci
ama Ty këto gjëra nuk duhet të të sqarohen
(p.s pas mesazhit:
qysh një orë para me të tregu për petën??
ama vërtet tejshkuar profesionisteje qenke ti Xhume
usta i thonë kësaj, nuk di gjininë femërore të fjalës
gjithnjë e më shumë e kam të qartë përse je shoqja më e ngushtë e V).
au, jam koçit krejt kah shpina, hajde çat cigaren në ballkon dhe ta ndez bojlerin me rrymën e lirë
E dashur Lindita,
Falemnderit për fjalët e mira, të pakursyera e për të cilat njerëzit shpesh kanë nevojë.
Sa për banesë, do të interesohem. Të shoh se mos dikush ka nxjerr ndonjë shpallje
Sipas mendimit tim, jeto më mirë në Tetovë, pavarësohuni të dy me BarletinJ
Distanca të bën t’i shohësh gjërat më qartë, qoftë kjo dhe një copë mish nga trupi yt, që të dhemb kur shkëputet, ama duhet patjetër.
Për petën, ju thash, një orë më herët më thoni dhe maestro Xhumja me magjitë e saja aktivizohet 🙂
Të përqafoj!
Sent from my iPhone
Shkrimi është shkruar enkas për Portalb.mk. Të drejtat e publikimit i kanë vetëm Portalb.mk dhe autori, sipas marrëveshjes mes tyre.