Kështu mund të dallohet infeksioni i sinuseve dhe Kovid-19, këto dy sëmundje që kanë simptoma të ngjashme
Këto dy sëmundje kanë simptoma të ngjashme, ja si mund t’i dalloni Edhe gripi më i lehtë, të cilit nuk i kemi kushtuar shumë rëndësi, mund të na shqetësojë dhe të na bëjë të pyesim nëse jemi ende të infektuar me koronavirusin e ri, transmeton Panacea.
Dimri është periudha e vitit kur njerëzit shpesh sëmuren nga infeksione të ndryshme, por tani është një problem i veçantë për ne, sepse edhe ftohja më e lehtë që kurrë nuk e kemi vërejtur, mund të na shqetësojë dhe të na bëj të pyesim nëse nuk jemi të infektuar me koronavirus. Simptomat e infeksionit të sinusit mund të jenë veçanërisht konfuze, sepse ato janë shumë të ngjashme me simptomat e COVID-19.
ÇFARË ËSHTË INFEKSIONI I SINUSEVE?
Sinusiti ose rinosinusiti, i njohur si infeksion i sinusit, është gjendje inflamatore në zgavrën e hundës dhe sinuset paranazale që zgjat mesatarisht më pak se katër javë. Shkaku më i zakonshëm i infeksionit të sinusit janë viruset, por rinosinusiti gjithashtu mund të jetë bakterial, megjithëse është i rrallë. Vetëm tek 0,5 deri 2 përqind e infeksioneve të sinusit janë rritje e infeksionit bakterial. Me një infeksion të tillë zakonisht ndodh kur pas një infeksioni viral, bakteri dytësisht infekton sinusin tashmë të inflamuar, kështu që zakonisht është ndërlikim i infeksionit viral.
Simptomat tipike janë:
Hundë të zëna
Rrjedhje të hundës (zakonisht sekret i verdhë ose jeshil)
Dhimbje ose shqetësim të dhëmbëve
Dhimbje në fytyrë ose presion që rritet, veçanërisht në zonën e fytyrës afër sinusit dhe kur anoni kokën përpara
Rritja e temperaturës së trupit
Lodhja
Kollitja
Humbja ose zvogëlimi i ndjenjës së nuhatjes
Presioni në veshë
Tinitusi ose humbja e dëgjimit
Dhimbje koke
Era e keqe e gojës (halitosis)
Simptomat tipike të COVID-19 JANË:
Kollitja Rritja e temperaturës së trupit
Ftohja Dhimbje trupi, dhimbje shpine
Dhimbje koke
Gulçim
Dhimbje të fytit
Diarre
Të përziera dhe / ose të vjella
Humbja e ndjenjës së nuhatjes dhe shijes
Hundë të zëna Skuqje
CILAT JANË DALLIMET KRYESORE MIDIS KËTYRE DY INFEKSIONEVE? Infeksioni i sinusit karakterizohet nga hundët e zëna dhe presionit në fytyrë dhe / ose vesh, si dhe sekrecione të bollshme, por infeksioni i sinusit nuk do të ketë të gjitha simptomat e tjera fizike që janë të zakonshme me COVID-19, të tilla si dhimbjet në trup, diarre, të përziera, të vjella, skuqje të lëkurës, gulçim dhe të ngjashme. Simptomat e rinozinusitit zakonisht përqendrohen rreth rrugëve të sipërme të frymëmarrjes. Është e vërtetë që ka simptoma shumë të ngjashme midis këtyre dy sëmundjeve, prandaj është më e sigurt të telefononi mjekun tuaj të familjes nëse keni ndonjë simptomë.
Gjërat gjithmonë mund të jenë të komplikuara, kështu që ju nuk do të jeni i vetmi që keni infeksion të sinuseve dhe COVID-19 në të njëjtën kohë, sepse këto dy sëmundje nuk përjashtojnë njëra-tjetrën, ndërsa infeksioni i sinuseve është shumë i zakonshëm. Ajo që e dallon COVID-19 nga vetë infeksioni i sinusit janë ato ndryshime sistemike – temperatura shumë e lartë e trupit, ftohja, lodhja e madhe dhe humbja e theksuar e nuhatjes dhe shijes