Covid-19: Disa antitrupa sulmojnë sistemin imunitar dhe organet e pacientit

Nëse një pacient me COVID-19 zhvillon formë serioze të sëmundjes varet kryesisht nga mënyra se si sistemi i tij imunitar i përgjigjet koronavirusit. Por shkencëtarët ende nuk e dinë pse disa njerëz shfaqin simptoma më të rënda që zgjasin më shumë, ndërsa të tjerët kalojnë vetëm me simptoma të lehta ose pa asnjë simptomë, domethënë, cila është arsyeja për reagime kaq të ndryshme. Një studim i ri nga Universiteti Yale hedh dritë mbi këtë temë, shkruan portali profesional The Conversation, shkruan Panacea.mk.

Hulumtime, të cilat ende nuk janë rishikuar dhe botuar në revistë, sugjerojnë që tek pacientët me formë të rëndë të COVID-19, trupi prodhon “antitrupa”. Këto janë antitrupa që në vend që të sulmojnë virusin që hyn në organizëm, ata sulmojnë sistemin imunitar dhe organet e pacientit.

Studiuesit zbuluan se personat me formë të rëndë të COVID-19 kishin auto-antitrupa që lidhen me proteinat kryesore të përfshira në njohjen, alarmimin dhe pastrimin e qelizave të infektuara me koronavirusin e ri. Këto proteina përfshijnë citokina dhe kemokina, lajmëtarë të rëndësishëm të sistemit imunitar. Ndërhyri në funksionimin normal të sistemit imunitar, duke bllokuar mbrojtjen antivirale, duke e bërë sëmundjen më serioze.
Vite më parë, dihej që auto-antitrupat ishin të përfshirë në sëmundje autoimune si artriti reumatoid dhe lupusi. Nuk dihet pse disa njerëz zhvillojnë këto antitrupa, por ndoshta është kombinim i gjenetikës dhe mjedisit. Infeksionet virale shoqërohen gjithashtu me zhvillimin e disa sëmundjeve autoimune.

Më herët, disa shkencëtarë raportuan se pacientët pa histori të sëmundjes autoimune zhvilluan auto-anitrupa pasi u infektuan me COVID-19. Hulumti e të mëvonshëm zbuluan se njerëzit me forma të rënda të COVID-19 mund të zhvillojnë edhe antitrupa ndaj interferoneve, proteina imune që luajnë rol kryesor në luftimin e infeksioneve virale.

Shkencëtarët e Yale, të cilët zhvilluan këtë studim të fundit, përdorën një teknikë të re që ekzaminoi auto-antitrupat që punojnë kundër mijëra proteinave të trupit. Ata kërkuan për antitrupa në 170 pacientë të shtruar në spital dhe i krahasuan ato me auto-antitrupat që gjenden tek njerëzit që vuajnë nga forma e lehtë e sëmundjes ose infeksioni asimptomatik, si dhe tek njerëzit që nuk ishin të infektuar me virusin.
Në gjakun e pacientëve të shtruar në spital, ata gjetën autoantitrupa që mund të sulmonin interferonet, si dhe autoantitrupa që mund të ndërhyjnë në qelizat e tjera kritike të sistemit imunitar, siç janë qelizat vrasëse natyrore dhe qelizat T.

Gjetjet treguan se autoantitrupat janë tipar shumë i zakonshëm te pacientët të sëmurë rëndë me COVID-19.

Megjithëse pacientët me COVID-19 kishin shumë autoantitrupa që synojnë proteina nga sistemi imunitar, studiuesit nuk gjetën autoantitrupa specifikë të koronavirusit që mund të përdoren për të diferencuar pacientët e sëmurë rëndë me sëmundjen. Ajo që përcakton nëse një person do të përballet me formë më serioze të COVID-19 varet nga shumë gjëra, ndërsa autoantitrupat janë vetëm pjesë e historisë.

Por hulumtimi sugjeron që njerëzit me auto-antitrupa ekzistues mund të jenë në rrezik më të madh të një forme më serioze të COVID-19. Këta individë mund të kenë përgjigje imune të dëmtuar gjatë fazave të hershme të infeksionit me koronavirus ose mund të jenë të prirur për zhvillimin e auto-antitrupave të rinj që mund të ndërhyjnë në përgjigjen e tyre imune ndaj virusit.

Prania e antitrupave sugjeron që tek disa pacientë COVID-19 mund të jetë sëmundje autoimune e aktivizuar nga koronavirusi.