Aktivistët e ‘AMAN’-it mbledhin 10.000 nënshkrimet e nevojshme për ndryshimin e Ligjit për energjetikë

Aktivistët e iniciativës qytetare ?MAN e vazhdojnë luftën e tyre për ligj më të mirë për energjetikë, përkundër presioneve dhe infiltrimeve. Në nëntor, “persona të panjohur” i kanë penguar ata të flasin me kryeministrin Gruevski në një “takim të hapur me qytetarët e komunës Qendër të Shkupit”. Sa i përket fushatës aktuale për mbledhjen e nënshkrimeve për ndryshime ligjore (afati për këtë gjë është 31 janari) ata e publikuan këtë njoftim:

“Edhe përkundër asaj se janë mbledhur 10.000 nënshkrimet e nevojshme, iniciativa për mbledhjen e nënshkrimeve të të gjithë atyre që i përkrahin kërkesat tona vazhdon. Këtë e bëjmë për shkak se derisa KSHZ-ja t’i rregullojë detajet teknike për mbylljen e procedurës, neve na konvenon që sa më shumë qytetarë, nëpërmjet nëshkrimit të tyre ta mbështesin këtë iniciativë. Në ditën kur do të dorëzohen nënshkrimet në Kuvendin e Republikës së Maqedonisë, kjo do të thotë se të gjithë ata qytetarë kanë ardhur para Kuvendit të kërkojnë nga përfaqësuesit e tyre t’i votojnë propozim-ndryshimet në Ligjin për energjetikë: të ketë tarifë të lirë të detyrueshme ditore treorëshë të rrymës elektrike dhe të mos ketë detyrim ligjor për ata që do të çkyçen nga sistemi i ngrohjes që të paguajnë ndonjë kompensim të caktuar.”

Burimi: GlobalVoices në shqip.

Lajme të ngjashme

Back to top button