“Çfarë dua dhe çfarë nuk dua në Tetovë”, studenti Jashari i tregoi sugjerimet e tij (VIDEO)

Portalb hap temën “Çfarë dua dhe çfarë nuk dua në Tetovë”. Të rinjtë do të shfaqen me nga një video për të treguar mendimet e tyre rreth kësaj teme. Të rinjtë, përmes kësaj teme të japin sugjerimet e tyre për atë se çfarë do të ishte më mirë për qytetin e Tetovës dhe çfarë jo. I pari që dha sugjerimin e tij ishte Adem Jashari student në Universitetin e Evropës Juglindore.

Dëshira e Ademit është që në Tetovë të ketë sa më shpejtë transport publik, ndërkaq vendet e qytetit që më shumë i pëlqen janë Universiteti i Evropës Juglindore, parku i Universitetit Shtetëror të Tetovës si dhe Banja e Tetovës.

“Ajo që dua unë në qytetin e Tetovës janë konkretisht tri vende kampusi i Universitetit të Evropës Juglindore, parku i Universitetit Shtetëror të Tetovës dhe Banja e Tetovës. I dua sepse kur jam aty unë ndjehem sikur nuk jam në qytetin e Tetovës. Dhe ajo çfarë nuk dua dhe që dua sa më parë të bëhet në qytetin e Tetovës është mospasja e transportit publik, dua sa më parë ta kemi sepse realisht na duhet”- theksoi Ademi në videon e tij për Portalb.

Të rinjtë do të vazhdojnë të nominojnë njëri tjetrin që të gjithë të kenë mundësinë të shfaqin mendimet e tyre përmes videove të ndryshme rreth kësaj teme duke treguar se çfarë duan për Tetovën dhe çfarë jo. Me shpresë që të jenë zëri i moshatarëve të tyre për ndryshimet e duhura në qytetin e Tetovës