Tensione në Tiranë, shkas vrasja e 25 vjeçarit
Qytetarët e Shqipërisë sot me orë të tëra protestuan në rrugët e Tiranës në shenjë revolte kundër vrasjes së 25 vjeçarit nga Policia e Shqipërisë, transmeton Portalb.mk. Qytetarët e revoltuar lëvizën edhe në drejtim të Kryeministrisë, ku u pritën nga kordoni policor.
Ndërmjet protestuesve dhe policisë gjatë protestës janë shkëmbyer lëndë të forta, si gur dhe gaz lotsjellës. Si rezultat i përleshjes, raportohet për të lënduar nga radhët e policisë.
Protestuesit gjatë aktivitetit të tyre kërkuan edhe dorëheqjen e ministrit të punëve të brendshme, Sandër Lleshaj.
Ndryshe, një ngjarje e rëndë ka ndodhur në orët e para të mëngjesit të së martës në zonën e Laprakës në Tiranë, ku 25-vjeçari Klodjan Rasha është qëlluar për vdekje nga një polic.