fbpx

Pikëpyetje të shumta për efektivitetin e saj, Qeveria britanike i kërkoi Rregullatorit të vlerësojë nëse vaksina Oxford-AstraZeneca mund të aprovohet

Qeveria britanike i ka kërkuar zyrtarisht Agjencisë Rregullatore të Barnave dhe produkteve Shëndetësore  të vlerësojë nëse furnizimi i vaksinës Oxford-AstraZeneca mund të autorizohet, njofton Portalb.mk.

  • Qeveria i kërkon rregullatorit të ilaçeve të vlerësojë nëse furnizimi i vaksinës Oxford -AstraZeneca mund të autorizohet
  • Vaksina duhet së pari të përmbushë standardet e larta të sigurisë, efikasitetit dhe cilësisë së Mbretërisë së Bashkuar
  • Lëvizja do të nënkuptojë qasje potencialisht më të shpejtë në vaksinën për pacientët në Mbretërinë e Bashkuar, nëse miratohet, thuhet në njoftimin e Qeverisë britanke.

Mbretëria e Bashkuar do të jetë një nga vendet e para në botë që do të marrë vaksinën, nëse miratohet vaksina e AstraZeneca, e që prite të ketë deri në 4 milion doza të gatshme deri në fund të vitit dhe 40 milion deri në fund të Marsit 2021.

“Mbretëria e Bashkuar është shteti i parë në botë që nënshkruan marrëveshje me Universitetin e Oksfordit -AstraZeneca, duke siguruar qasje në 100 milion doza të vaksinës. Në fillim të kësaj jave, Universiteti i Oksfordit dhe AstraZeneca publikuan rezultatet e tyre të parakohshme të efikasitetit, të cilat treguan se vaksina ishte të paktën 70% efektive në mbrojtjen e personave nga Kovid-19. Kjo përqindje u rrit në 90% efektivitet kur një grup pjesmarrësish morën në fillim një gjysmë doze dhe pastaj dozë të plotë”, thuhet në njoftimin e Qeverisë britanike.

Sipas BBC, autoritetet në Britani të Madhe i kanë porositur tashmë 100 milionë doza të vaksinës së Oksfordit.

Kërkesa e fundit e qeverisë adresuar MHRA-s vjen një javë pasi rregullatorit iu kërkua edhe të vlerësojë vaksinën Pfizer-BioNTech.

“Ne i kemi kërkuar zyrtarisht rregullatorit për të vlerësuar vaksinën e Oksfordit, për të kuptuar të dhënat si dhe për të parë nëse vaksina plotëson standardet rigoroze të sigurisë”, u shpreh Sekretari i Shëndetësisë, Matt Hancock.

Pak ditë pas lajmeve të bujshme për vaksinën e saj të korona virusit, kompania po përballet me pyetje të vështira lidhur me nivelin e suksesit të vaksinës, që disa ekspertë thonë se mund t’i pengojë shanset për të marrë miratim të shpejtë nga rregullatorët në SHBA dhe BE.

Disa shkencëtarë kanë ngritur dyshime në lidhje me saktësinë e rezultateve që tregojnë se vaksina ishte 90% e efektshme tek një nën-grup pjesëmarrësish, të cilët, gabimisht morën në fillim një gjysmë doze dhe pastaj dozë të plotë.

Kompania farmaceutike AstraZeneca të hënën tha se vaksina e saj eksperimentale, e krijuar me Universitetin e Oksfordit, parandaloi mesatarisht 70% të rasteve të Kovid-19 në provat e fazës së vonë në Britani dhe Brazil.

Ndërsa shkalla e suksesit ishte 90% në nën-grupin e vullnetarëve, efikasiteti ishte 62% nëse doza e plotë jepej dy herë, siç u veprua për shumicën e pjesëmarrësve.

Kjo është shumë më e lartë mbi nivelin 50% të kërkuar nga rregullatorët e SHBA. Rregullatorët e ilaçeve në Evropë kanë thënë se nuk do të vendosin një nivel minimal efikasiteti për vaksinat e mundshme.

Në qendër të shqetësimeve, megjithatë, është fakti se rezultati më premtues prej 90% i provave vjen nga një analizë e nëngrupeve, një teknikë që shumë shkencëtarë thonë se mund të prodhojë lexime të gabuara.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close