Ivanov: Mosmarrveshjet me Greqinë përfundojnë gjatë këtij viti

Mosmarrveshjet rreth çështjes së emrit mund të përfundojë këtë vit, ka theksuar presidenti Ivanov duke iu drejtuar të pranishmive në një pritje për korin diplomatik që këtë vit u oragnizua në Berovë.

Ivanov theksoi se marrëdhëniet e mira fqinjësore dhe bashkëpunimi me vendet e rajonit mbeten një prioritet për vendin.

“Unë besoj se me përkushtim të sinqertë e ndërsjellë dhe vullnet të përbashkët, këtë vit mund të përfundojmë bisedimet mbi problemin që fqinji ynë jugor ka me emrin e vendit tonë, Republika e Maqedonisë.

Vlerësoj se ndërmjetësimi i Kombeve të Bashkuara, Sekretarit të Përgjithshëm të OKB-së dhe të ndërmjetësuesit Metju Nimic është thelbësor në arritjen e qëllimeve tona. Por mbështetja dhe ndihma e udhëheqësve tuaj janë shumë të mirëpritura “, tha Ivanov.

Kreu i shtetit bëri thirrje për dialog në institucione, me çka ai beson se do të kapërceehet kriza aktuale politike në vend.