fbpx

RMV, Vetëm 14 denarë rritje të rrogës mesatare në muajin shtator, ulje në disa sektorë

Rroga mesatare neto në Maqedoninë e Veriut në muajin shtator të këtij viti është 27,405 denarë, derisa rroga mesatare bruto ka qenë 40,913 denarë, transmeton Portalb.mk.

Në periudhën korrik-shtator të këtij viti, rroga mesatare neto ka qenë 27 391 denarë, ndërsa ajo bruto 40,875 denarë.

“Kjo rritje ka ardhur si rezultat, para së gjithash, i rritjes së pagës mesatare mujore bruto për të punësuarit në sektorët: Industria përpunuese (10.7%), Arte, argëtim dhe rekreacion (10.6%) dhe Veprimtaritë e mbrojtjes shëndetësore dhe sociale (10.2%)”, sqarojnë nga Enti shtetëror i statistikave për rrogën bruto.

Enti sqaroi se ka ulje të pagës bruto e neto në sektorët: bujqësi, pylltari dhe peshkim (7.1%); arte, argëtim dhe rekreacion (6.4%); tregti me shumicë dhe me pakicë; riparimi i automjeteve dhe motoçikletave (3.2%).

Rroga mesatare në arsim për muajin shtator të këtij viti ka qenë 27 302 denarë, derisa në periudhën korrik-shtator ka qenë 27,354 denarë.

Ndryshe, kryeministri i Maqedonisë së Veriut, Zoran Zaev, në fushatën parazgjedhore parlamentare për zgjedhjet e 15 korrikut premtoi se paga mesatare do të jetë 34 mijë denarë.

Rroga mesatare në vend është 447.7 euro – me një rritje të konsiderueshme prej më shumë se 9 përqind krahasuar me të njëjtin muaj të vitit të kaluar. Sipas disa ekonomistëve, ky tregues është rezultat i dy faktorëve, njëri – struktura e ndryshuar e punonjësve – njerëzit me rrogë të lartë i kanë ruajtur vendet e tyre të punës, ndërsa rënie te ata me rroga më të ulëta.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close