fbpx

RMV, specializantë privat nga klinikat interne janë paraqitur vullnetarë për të punuar në qendrat Kovid

Tridhjetë mjekë të rinj, specializantë në Klinikat private të nefrologjisë, gastroenterohepatologjisë, neurologjisë, Klinikës për sëmundje të veshit, hundës dhe fytit dhe Klinikën e dermatologjisë, u paraqitën vullnetarisht të punojnë në Kovid-qendrat e këtyre klinikave, njoftoi Ministria e Shëndetësisë, transmeton Portalb.mk.

Ministri i Shëndetësisë Venko Filipçe u takua me ta këtë mëngjes dhe tha se si ministër dhe si mjek, e çmon faktin që ata treguan dëshirë dhe gatishmëri për t’u përfshirë në punën në Kovid-qendrave tani kur ka më së shumti nevojë për një gjë të tillë.

“Në kohë të vështira tregohet dëshira dhe gatishmëria e njerëzve dhe kjo është për tu respektuar,” tha ministri Filipçe.

Gjatë ditës, do të bëhet një rotacion i orarit për të gjithë mjekët e rinj dhe do të përfshihen në punën në qendrat Kovid.

Ministri gjithashtu u takua me përfaqësues të mjekëve të rinj të licencuar me të cilët diskutuan gjithashtu angazhimin e tyre në institucionet shëndetësore në të gjithë vendin. Deri në fund të javës duhet të precizohen kushtet e këtij grupi mjekësh për t’u bashkuar me punën e tyre në repartet Kovid dhe spitalet në të gjithë vendin.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close