Ambasadorja e Britanisë Gallouej e dënon gjuhën e urrejtjes dhe akuzat e rreme kundër gazetarëve të “Meta”

Ambasadorja e Britanisë së Madhe, Rejçël Gallouej, këtë pasdite nga llogaria e saj në Tuiter (Twitter) e dënoi gjuhën e urrejtjes dhe akuzat e rreme në rrjetet sociale dhe në disa portale kundër gazetarëve të “Meta”, të cilët së bashku me kolegët e tyre nga Metamorfozis u sulmuan nga njerëz dashakeqë pasi portalit “Lider” botoi një tekst ndezës. Gallouej u bëri thirrje autoriteteve të marrin masa dhe të hetojnë çështjen.

I condemn the hate speech and spreading of false accusations towards @meta_agency journalists. Media freedom is the fundamental pillar of democracy and free societies. I ask relevant institutions to take action and investigate this case. #DefendMediaFreedom

— Amb Rachel Galloway (@RGallowayUK) November 17, 2020

“Unë e dënoj gjuhën e urrejtjes dhe përhapjen e akuzave të rreme kundër gazetarëve të “Meta”. Liria e medias është një shtylla kryesore e demokracisë dhe shoqërive të lira. “Kërkoj nga autoritetet të marrin masa dhe të hetojnë këtë rast”, ka shkruar Gallouej.

Ndryshe, më 12 nëntor, natën kur shumë prej qytetarëve në vend festuan fitoren e kombëtares së Maqedonisë në futboll dhe kualifikimin e Kampionatin Evropian të Futbollit, rreth mesnatës në uebfaqen www.lider.com.mk u botua një tekst me titull “(FOTO” Këta janë njerëzit që fshijnë përmbajtje nga Facebook në Maqedoni!”, E cila rendit disa pretendime të pavërteta dhe shpifëse.

Ndër tjerash në tekstin kontestues është publikuar një kolazh fotografish të disa prej punonjësve të Fondacionit “Metamorfozis”, ndërsa në titull thuhet se këta janë personat që fshinë përmbajtjen nga rrjeti social “Fejsbuk” (Facebook). Në tekstin më poshtë janë renditur emrat dhe mbiemrat e pothuajse të gjithë punonjësve, përfshirë emrat dhe mbiemrat e gazetarëve të Agjencisë së lajmeve Meta.

Megjithëse Metamorfozis publikoi përgënjeshtrim të insinuatave keqdashëse dhe shpifëse që i bënin presion lirisë së fjalës, ajo nuk u botua nga media që nisi krejt atë fushatë. Përgënjeshtrimi deri tani është publikuar vetëm nga portali bregalnicki.mk dhe portali netpress.com.mk.

Shoqatat e gazetarëve, KRMM, SHGM, SPGPM dhe MIM javën e kaluar e dënuan gjuhën e urrejtjes kundër ekipit të OJQ-së “Metamorfozis” dhe i bënë thirrje MPB-së të realizojë hetim urgjent për të përcaktuar identitetin e personave që nxitën gjuhë të urrejtjes përmes komenteve në rrjetet sociale, e pastaj Prokuroria themelore publike (PTHP) të ngrejë një çështje përmes së cilës ata do të sanksionohen në përputhje me Kodin Penal.

Gjatë fundjavës, SHGM, KEMM dhe SPGPM edhe një herë e përsëritën thirrjen deri te MPB dhe PTHP për të reaguar kundër gjuhës së urrejtjes, e cila është në rritje kohët e fundit, jo vetëm kundër Fondacionit Metamorfozis, por edhe kundër gazetarëve të tjerë të shquar në vend.

Dënimi dje erdhi edhe nga ambasadori i BE-së Dejvid Gir. Ai gjithashtu bëri thirrje për hetim në kohë të gjuhës së urrejtjes dhe fushatës që në internet po zhvillohet këto ditë kundër stafit të Fondacionit Metamorfozis.