U dërgua dje me urgjencë në Greqi, kjo është gjendja e Janullatosit pas infektimit me Covid-19
Spitali “Evangelismos” në Athinë ka reaguar për herë të parë për gjendjen shëndetësore të Kryepeshkopit Anastat Janullatos pas infektimit me Covid-19. Ai tani është 91 vjeçar, ndërsa rreth 3 dekada është në kryepeshkop.
Janullatos mësohet se është në gjendje të qëndrueshme, ndërkohë që ka shfaqur simptoma të lehta në sistemin e frymëmarrjes dhe temperaturë, transmeton OraNews.
Pak më parë gazetari i njohur grek, Yannis Koutsomitis ka treguar se ai po lufton për jetën në një spital në Athinë.
“Kryepeshkopi Ortodoks Anastasi i Shqipërisë po lufton për jetën e tij në një spital të Athinës, pas infektimit me Covid-19. Lutemi për shëndetin e Tij”, shkruan Koutsomitis në Twitter.
Albania’s Orthodox Archbishop Anastasios is fighting for his life in an Athens hospital ICU, suffering from Covid-19.
Praying for the wellness of His Grace.— Yannis Koutsomitis (@YanniKouts) November 12, 2020
Ndryshe, Kryepeshkopi i Kishës Orthodokse në Shqipëri, Anastas Janullatos konfirmohet pozitiv me Covid-19. Kleriku i lartë është dërguar në Greqi për një shërbim më të specializuar. Për dërgimin e tij në shtetin grek është përdorur një avion ushtarak.