fbpx

Atletët kenianë fituan titujt në Maratonën e 42-të të Stambollit (Video)

Atletët kenianë u kurorëzuan me fitore në Maratonën e 42-të të Stambollit, gara e vetme e vrapimit ndërkontinental në botë, raporton Anadolu Agency (AA).

Benard Cheruiyot Sang e përfundoi garën për 2 orë, 11 minuta dhe 49 sekonda duke arritur i pari në kategorinë e meshkujve.

Në kategorinë e grave, Diana Chemtai Kipyogei fitoi titullin për 2 orë e 22 minuta dhe 6 sekonda.

Një tjetër vrapues kenian, Felix Kimutai, arriti 11 sekonda prapa Sang, duke u bërë nënkampion, ndërsa Zewudu Hailu Bekele nga Etiopia doli i treti pasi ai përfundoi garën 34 sekonda pas kampionit.

Pika fillestare e këtij viti e maratonës ishte Zona e Aktiviteteve Yenikapi në anën evropiane të Stambollit, në vend të Urës së Dëshmorëve të 15 Korrikut në anën aziatike.

Vrapuesit kaluan urën duke ofruar një pamje spektakolare të Bosforit.

Maratona përfundoi në Zonën e Aktiviteteve Yenikapi, ndërsa vrapuesit kaluan urën e Bosforit dy herë për herë të parë në historinë e kësaj ngjarjeje.

 

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close