RMV, mbrëmë është regjistruar tërmet në zonën Tetovë-Gostivar
Observatori seizmologjik pranë Fakultetit matematiko – natyror në Shkup ka regjistruar një tërmet me intensitet prej tre shkallëve, sipas shkallës evropiane makroseizmike, njofton Portalb.mk.
“Observatori Sizmologjik në Fakultetin e Shkencave të Natyrës dhe Matematikës në Shkup, natën e kaluar, 05.11.2020 në orën 21:18 minuta, regjistroi një tërmet epiqendra e të cilit ndodhej 41 km në perëndim të Shkupit në zonën Tetovë-Gostivar. Tërmeti kishte një magnitudë lokale të Rihter ML2.4, dhe është ndjerë nga popullata e Gostivarit, Tetovës dhe zonës përreth, me një intensitet prej III gradë sipas shkallës makroseizmike Evropiane”, thuhet në njoftim.
Observatori sizmologjik ka njoftuar shpesh për dridhje që vetëm janë ndjerë në Maqedoni, ndërsa epiqendra ka qene në shtetet fqinje si në Greqi.
Tërmeti i fundit në vend, ishte ai prej 2.3 ballësh, i cili kishte dridhur qytetin e Ohrit, epiqendra e të cilit ishte në fshatin Peshtan në thellësi prej 12 kilometrash.