Kroacia shënoi rekord të ri të vdekjeve dhe rasteve me COVID-19

Gjatë 24 orëve të fundit në Kroaci janë regjistruar 29 viktima dhe 2.848 raste të reja me koronavirusin e ri (COVID-19), transmeton Anadolu Agency (AA).

Mbrojtja Civile njoftoi se numri i rasteve aktive në Kroaci sot është 15.356. Midis tyre, 1.278 pacientë janë në spital, nga të cilët 122 në respiratorë.

Betejën me virusin e kanë humbur 29 persona, duke rritur numrin e vdekjeve në 683 deri më tani nga koronavirusi.

“Që nga 25 shkurti 2020 kur u regjistrua rasti i parë me COVID-19 në Kroaci janë regjistruar 59.415 raste me koronavirus, nga të cilët 683 kanë vdekur, 43.376 janë shëruar, nga të cilët 2.306 në 24 orët e fundit”, njoftoi Mbrojtja Civile.

Aktualisht 31.677 persona janë në vetëizolim.

Deri më tani janë testuar 532.288 qytetarë nga të cilët 8.906 në 24 orët e fundit.

Lajme të ngjashme

Leave a Reply

Your email address will not be published. Required fields are marked *

Back to top button