Është vetë-izoluar kreu i OBSH-së pas kontaktit me një person pozitiv me Kovid-19
Kreu i Organizatës Botërore të Shëndetësisë, Tedros Adhanom Ghebreyesus, ka deklaruar se është vetë-izoluar për shkak se është identifikuar se ka pasur kontakt me një person i cili ka rezultuar pozitiv për KOVID-19, transmeton Portalb.mk.
Në një postim në Twitter të dielën vonë, Tedros tha se ndihet mirë dhe se “nuk ka simpotoma”, por se do të vetizolohet në ditët në vazhdim, në përputhje me protokollet e OBSH-së.
“Unë kam qenë në kontakt me një person që ka rezultuar pozitiv për KOVID-19. Jam mirë dhe pa simptoma, por do të vetë-karantinohem, duke respektuar protokollin e vendosur për të parandaluar përhapjen e KOVID-19”, shkroi Ghebreyesus në Twitter.
I have been identified as a contact of someone who has tested positive for #COVID19. I am well and without symptoms but will self-quarantine over the coming days, in line with @WHO protocols, and work from home.
— Tedros Adhanom Ghebreyesus (@DrTedros) November 1, 2020
Ai gjithashtu në një twit tjetër, u bëri thirrje qytetarëve që të respektojnë rregullat e vendosura për të mbrojtur shëndetin e tyre dhe të familjarëve. “Vetëm duke respektuar protokollet, mund të ndërpriten zinxhirët e transmetimit si edhe të sigurohet mbrojtja e sistemit shëndetësor”, tha ai.
Tedross ka qenë në ballë të përgjigjes globale ndaj pandemisë së koronavirusit, e cila ka prekur mbi 46 milionë njerëz në të gjithë botën dhe ka çuar në mbi 1.2 milion viktima.
Njoftimi i Tedros u bë në të njëjtën ditë kur autoritetet në Gjenevë, ku ndodhet selia e OBSH-së, njoftuan për shtrëngimin e kufizimeve, që synojnë të frenojnë përhapjen e virusit.