fbpx

Zelanda e Re legalizoi eutanazinë

Zelanda e Re ka votuar për të legalizuar eutanazinë në atë që aktivistët e quajnë “një fitore për dhembshurinë dhe mirësinë”. Rezultatet paraprake të referendumit treguan se 65.2% e votuesve mbështetën hyrjen në fuqi të Ligjit për Zgjedhjen e Fundit të Jetës 2019 si një ligj i ri, njofton BBC, transmeton Portalb.mk.

Kjo do t’u lejojë personave të sëmurë terminalë, me më pak se gjashtë muaj jetë, mundësinë për të zgjedhur vdekjen e asistuar nëse miratohet nga dy mjekë.

Për kundërshtarët e tij, ligji nuk ka masa mbrojtëse adekuate.

Rezultatet e njoftuara të premten nuk përfshijnë rreth 480,000 vota të veçanta, përfshirë fletëvotimet jashtë shtetit, kështu që rezultati përfundimtar nuk do të konfirmohet deri më 6 nëntor. Por me një mbështetje kaq të fortë, vendimi nuk pritet të ndryshojë.

Referendumi është i detyrueshëm dhe ligji pritet të hyjë në fuqi në nëntor 2021.

Zelanda e Re të bashkohet me një grup të vogël vendesh, përfshirë Hollandën dhe Kanadanë, të cilat lejojnë eutanazinë.

Eutanazia  i referohet praktikës së dhënies fund të jetës në një mënyrë më pak të dhimbshme. Sipas Komitetit të Shtëpisë së Lordve në etikën mjekësore, definicioni i saktë i Eutanazisë është “një ndërhyrje e qëllimshme e ndërrmarë me qëllimin e vetëm të përfundimit të një jete, pas shkaktimit të dhimbjeve të pakontrollueshme”.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close