RMV, nga një janari, 10% TVSH për ushqim dhe pije në shërbimet hotelerike, përjashtim bën alkooli

Nga 1 janari 2021, do të ketë një normë preferenciale të taksave prej 10% për shitjen e ushqimeve dhe pijeve në objektet hotelierike dhe shërbimet e hotelierisë, me përjashtim të pijeve alkoolike, vendosi Qeveria në seancën e mbrëmshme. Gjithashtu nga 1 janari, do të ketë një dispozitë preferenciale të taksave prej 5% për shërbime të caktuara artizanale të kryera nga mjeshtrit që janë regjistruar në regjistrin e zanateve, njofton Portalb.mk.

Mbrëmë, Qeveria miratoi projektligjin për ndryshimet në ligjin për tatimin mbi vlerën e shtuar, i cili, ashtu si Projektligji për mbështetjen financiare të punëdhënësve, është pjesë e pakos së katërt të masave për trajtimin e krizës ekonomike të shkaktuar nga Kovid-19.

Në ditën e hyrjes në fuqi të ndryshimeve në Ligjin për tatimin mbi vlerën e shtuar(TVSH), nga 1 janari, do të bëhet përjashtimi i TVSH-së të dhënë nga përdoruesit e buxhetit për ballafaqimin kundër korona virusin. Afati i fundit për pagimin e TVSH-së gjithashtu do të shtyhet për shkak të mbështetjes së likuiditetit të kompanive. Në mënyrë që të lehtësohet procesi i lëshimit, transmetimit dhe marrjes së një fature, do të jetë e mundur të përdoret një faturë në formë elektronike (pdf ose format tjetër elektronik).

Qeveria gjithashtu miratoi një Projekt-Ligj për mbështetjen financiare të punëdhënësve të prekur nga kriza shëndetësore dhe ekonomike e shkaktuar nga Kovid-19, për dhënien e pagave për muajin tetor, nëntor dhe dhjetor 2020. Ky Ligj rregullon kushtet dhe procedurën për marrjen e mbështetjes financiare për punëdhënësit e prekur nga kriza shëndetësore dhe ekonomike, për shkak të pagesës së rrogave për punëtorët për muajt tetor, nëntor dhe dhjetor 2020.

Këto lehtësime bëhen në kuadër të luftës së institucioneve të vendit për luftën kundër pandemisë me korona virusin, i cili ka vështirësuar gjendjen ekonomike dhe shëndetësore të vendit dhe mbar botës.