Te pacientët me COVID-19 të rëndë, qelizat imune përgjigjen si te lupusi

Në rastet më të rënda të sëmundjes së shkaktuar nga koronavirusi i ri, modelet e aktivizimit të qelizave B ngjajnë me ato që shihen në sëmundjet autoimune që shkaktojnë inflamacion sporadik të nyjeve, ligamenteve dhe indeve të tjera lidhëse. Studiuesit në Universitetin Emory duan të shohin deri ku shtrihet ajo ngjashmëri, shkruan Panacea.mk.

Studiuesit në Universitetin Emory monitoruan aktivizimin e shpejtë të qelizave imune në raste të rënda të COVID-19 dhe arritën në përfundimin se reagimi të kujtonte lupusin eritematoz sistemik (SLE), sëmundje autoimune që shkakton inflamacion sporadik të nyjeve, ligamenteve dhe indeve të tjera lidhëse.

Gjetjet e tyre tregojnë për teste që mund të krahasojnë pacientët me COVID-19 të cilët kanë nevojë për terapi për qetësimin e sistemit imunitar. Mund të shpjegojë gjithashtu pse disa njerëz të infektuar me virusin SARS-CoV-2 prodhojnë një numër të madh të antitrupave ndaj virusit, por me pasoja të këqija.

Rezultatet e këtij studimi, të botuara në revistën Nature Immunology, përkojnë me gjetjet e botuara së fundmi nga studiues të tjerë të cilët zbuluan se inflamacioni i lartë në COVID-19 mund të prishë formimin e qelizave embrionale, strukturën e nyjeve limfatike në të cilat stërviten qelizat e prodhimit të antitrupave. Studiuesit nga Emory kanë vërejtur se aktivizimi i qelizave B të kujton atë të lupusit.

Gjetjet e tyre tregojnë për teste që mund të krahasojnë pacientët me COVID-19 të cilët kanë nevojë për terapi për qetësimin e sistemit imunitar.

Qelizat B janë si një bibliotekë e madhe e antitrupave që sistemi imunitar mund të përdorë për të luftuar infeksionin. Në rastin e COVID-19 të rëndë, sistemi imunitar nxjerr rastësisht libra nga ajo librari dhe i hedh në një grumbull të paorganizuar.

Në njerëzit me lupus, qelizat B janë jonormale aktive, duke shmangur kontrollin dhe ekuilibrin që normalisht i kufizon ato. Kjo shpesh çon në prodhimin e “autoantitrupave”, antitrupave që i krijon organizmi ndaj antigjeneve të veta. Kjo nga ana tjetër shkakton simptoma të tilla si lodhje, dhimbje të kyçeve, skuqje të lëkurës dhe probleme të veshkave.

Ekipi nga Universiteti Emory tani po heton nëse forma serioze e COVID-19 prodhon antitrupa me pasoja klinike. Kjo do të jetë e rëndësishme për të kuptuar nëse përgjigjet autoimune afatgjate mund të shoqërohen me lodhje, dhimbje të kyçeve dhe simptoma të tjera.