Pas vizitës në Ballkan, Varhejli në vetë-izolim
Komisionari i Bashkimit Evropian për Fqinjësi dhe Zgjerim, Oliver Varhelyi, është vetë-izoluar, pasi një anëtar i ekipit të tij është diagnostifikuar me koronavirusin COVID-19. Ai e njoftoi këtë përmes rrjetit social Twitter, transmeton Portalb.mk.
“Unë u informova sot se një anëtar i ekipit tim doli pozitiv për COVID19. Në pritje të rezultateve të reja të testit, unë dhe anëtarët e ekipit po vetë-izolohemi në përputhje me udhëzimet e shëndetit publik. Ndihem mirë, nuk kam simptoma, testet e mia gjatë javës së kaluar ishin negative”, ka shkruar Varhelyi.
I was informed today that a member of my team tested positive for #COVID19. Pending new test results, myself&team members concerned are self-isolating in line with public health guidelines&teleworking. I feel well, have no symptoms, my tests in past week were negative. Stay safe!
— Oliver Varhelyi (@OliverVarhelyi) October 11, 2020
Eurokomesari për zgjerim, javën që lamë pas qëndroi për vizitë Maqedoninë e Veriut, Kosovë, Bosnje dhe Hercegovinë dhe Serbi
Në Maqedoninë e Veriut Varhelyi realizoi takime me krerët e lartë shtetëror, ku edhe prezantoi para tyre raportin e fundit të Komisionin Evropian si dhe planin e propozuar për ekonomi dhe investime.
Edhe presidentja e Komisionit Evropian, Ursula von der Leyen, në fillim të javës së kaluar ka qenë në vetë-izolim, mirëpo më pas njoftoi se testi i saj për koronavirus ka dalë negativ.
Evropa ditëve të fundit ka regjistruar numër të lartë të të infektuarve me Covid-19 . Deri tani sipas OBSH-së janë regjistruar më shumë se 6.5 milionë raste të korona virusit. Megjithatë edhe pse bilanci i infektimeve është rënduar OBSH-ja dje ka kërkuar që të mos ketë rikthim të masave të izolimit.