Kompjuterë të lirë dhe pajisje të TI-së së shpejti nuk do të ketë në rezervë
Ndërsa kompjuterët, para së gjithash laptopët, janë të domosdoshëm për mësim onlajn, të cilin e ndjekin pothuajse të gjithë nxënësit nga klasa e IV në shkollë fillore deri në vitin IV në arsimin e mesëm.
360 Grade iu drejtua edhe dyqaneve “Neptun”, “Tehnomarket” dhe “Setek” me pyetjet – se pse ka mungesë dhe kur mund të pritet të mbërrijë mall i ri.
Nga “Setek” thonë se problemi është para së gjithash në prodhimtarinë, gjegjësisht se ka mungesë të komponentave që të mund të bëhet produkti përfundimtar.
“Ngadalë po fillojnë të mbërrijnë gjithnjë e më shumë raporte për pasojat nga epidemia e virusit korona mbi industrinë e TI-së. Fabrikat e prodhimit, siç e dimë, para disa muajve sërish e filluan prodhimtarinë e laptopëve nëpër fabrika, por po ballafaqohen me mungesë të komponentave. Zhvillimi i tillë i ngjarjeve sigurisht se do t’i ndryshojë vlerësimet e lidhura për numrin e laptopëve të porositur në nivel globalkëtë vit, që, në fakt, tani më po ndjehet në kuartalin e kaluar”, thonë nga “Setek”.
Vështirësi plotësuese, thonë nga kompania, është kërkesa e rritur për pajisje TI, edhe atë jo vetëm tek ne. Shpresojnë se tregu do të stabiloizohet, por afati kohor është “tani për tani”.
“Ne, ‘Setek’, si firmë përgjegjëse shoqërore, investojmë përpjekje maksimale që të sigurojmë numër sa më të madh të kompjuterëve me çmim të volitshëm dhe sinqerisht shpresojmë dhe jemi optimistë se së shpejti do të stabilizohet industria e TI-së, informojnë nga “Setek”.
Se Maqedonia e Veriut nuk është rast i izoluar tregojnë tekstet e shumta gazetareske nga e gjithë botaduke i përfshirë edhe ata nga vendet më të zhvilluara dhe më të pasura.
Tek ne mungesa ndjehet në fund të shtatorit, gjegjësisht ditëve të fundit para filimit të vitit të ri shkollor. Në SHBA, rrëfimi është i njëjtë vetëm se zhvillohet një muaj më herët.
USA Today më 23 gusht shkroi se shkollat në SHBA ballafaqohen me problem që të sigurojnë laptopë për fillimin e vitit shkollor. Dërgesa e pajisjes së porositur po shtyhet edhe për disa muaj.
Në fillim të shtatorit një storje të ngjashme kishte edhe CNN. Gazetarët e krahasojnë mungesën e laptopëve në SHBA me mungesën e letrës së tualetit dhe të farës për bukë në fillim të krizës së Kovid-19.
Britania e Madhe, India, vendet e Lindjes së Afërt, janë vetëm një pjesë e shteteve tjera të cilat përmenden si tregje të mëdha me mungesë më serioze të pajisjes TI.