fbpx

Grupi i Vishegradit është shembull për vendet e Ballkanit Perëndimor, vlerësoi Pendarovski në Bratislavë

Stevo Pendarovski, presidenti i Maqedonisë së Veriut sot mori pjesë në Forumin global për siguri “Globsel 2020” në Bratislavë, transmeton Portalb.mk.

Pas konferencës, presidenti Pendarovski zhvilloi takim me presidentet sllovake, Suzana Çaputova.

Kabineti i presidencës raportojnë se presidenti Pendarovski në takim ka theksuar raportet e mira bilaterale ndërmjet vendeve, si dhe përvojën sllovake në eurointegrime, si një ndihmë për negociatat e Maqedonisë së Veriut për anëtarësim në BE.

“Në lidhje me nevojën për forcimin e bashkëpunimin rajonal, presidenti Pendarovski deklaroi se modeli i suksesshëm i vendeve të Grupit të Vishegradit, është shembull i veçantë për vendet e Ballkanit Perëndimor”, raportojnë nga Presidenca.

Ai në konferencën e sotme me temë “Ballkani Perëndimor pas Kovid-19”, sqaroi se mbështet idenë e “Mini Shengenit”.

“Ne nuk presim një bllokadë të re, këtë herë, nga Republika e Bullgarisë”, deklaroi në konferencë Pendarovski, duke vlerësuar se Maqedonia e Veriut është plotësisht e përgatitur për t’i filluar negociatat. Ai sqaroi se një takim i komisionit maqedono-bullgar për histori e arsim është planifikuar për këtë muaj.

Kabineti i presidencës raportoi se do të mbështes çdo marrëveshje ndërmjet Serbisë dhe Kosovës që ndikon në stabilitetin e rajonit.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close