fbpx

Përleshjet Azerbejxhan-Armeni, 220 të vdekur deri më tani

Qyteti i dytë më i madh në Azerbajxhan, Ganja, është granatuar nga forcat armene, ndërsa vazhdojnë përplasjet e ashpra për enklavën e diskutueshme të Nago-Karabakut shkruan BBC, njofton Portalb. Enklava është zyrtarisht pjesë e Azerbajxhanit por drejtohet nga armenët etnikë. Autoritetet e vetëshpallura atje thanë se ata goditën aeroportin ushtarak të Ganja pasi forcat Azerbajxhanase granatuan kryeqytetin e rajonit, Stepanakert.

Azerbajxhani nga ana tjetër thotë se asnjë vend ushtarak i Ganja nuk u godit. Më shumë se 220 njerëz kanë vdekur që nga fillimi i përplasjeve një javë më parë. Armenia dhe Azerbajxhani filluan një luftë për zonën e diskutueshme të Nago-Karabakut në 1988-94, duke deklaruar përfundimisht një armëpushim. Sidoqoftë, ata kurrë nuk kishin arritur një zgjidhje përfundimtare mbi mosmarrëveshjet e Nagorno-Karabakut.

Luftimet aktuale janë më të këqijat që janë parë që nga armëpushimi dhe dy ish republikat sovjetike kanë fajësuar njëra-tjetrën. Ekziston frikë se numri aktual i vdekjeve midis ushtarakëve nga të gjitha anët, si dhe civilëve mund të jetë shumë më i lartë, pasi pretendimet për viktima nuk janë verifikuar në mënyrë të pavarur.

Ushtria e Azerbajxhanit thotë se forcat e tij kanë rimarrë kontrollin e shtatë fshatrave që të dielën e kaluar, ndërsa Nago-Karabak thotë se trupat e tij kanë “përmirësuar” pozicionet e tyre të vijës së frontit.

Armenia tha se ishte “e gatshme të angazhohej” me ndërmjetësimin e Francës, Rusisë dhe SHBA-së të bëjnë përpjekje për të rënë dakord për armëpushim. Ndërsa Azerbajxhani, i cili mbështetet hapur nga Turqia, ka kërkuar tërheqjen e trupave armene nga Nago-Karabaku dhe zonat fqinje të kapura nga trupat etnike armene.

LEXO: 100 persona janë vrarë në përleshjet midis Azerbejxhanit dhe Armenisë

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close